Գաղտնիք չէ, որ վերանորոգումը երկարատև ու ժամանակատար գործընթաց է, որը, սակայն, ճիշտ կազմակերպելու դեպքում կունենաք գերազանց արդյունք։
Ներկայացնում ենք ամենակարևոր քայլերը, որոնք կօգնեն վերանորոգումը պահպանել շատ երկար։
Կուրորեն մի հետևեք նորաձևությանը
Ինտերիերի դիզայնում գույներն ու նորաձևության միտումներն ամեն տարի փոփոխվում են, ուստի դրանց կուրորեն հետևելն ու առաջնորդվել հենց այդ կանոններով ճիշտ չէ։
Սա չի նշանակում, որ չի կարելի հետևել նորաձևության միտումներին, այլ դրանք պետք է օգտագործել ճիշտ չափաբաժնով։ Սա կօգնի խուսափել ամեն տարի բնակարանը վերանորոգելու խնդրից։
Մանրամասն ընտրեք հարդարման նյութերը
Պետք չէ գումար խնայել հարդարման նյութերն ընտրելիս։ Գնելիս անպայման ուշադրություն դարձրեք ջրակայունությանը, լվանալու և մաքրելու հնարավորությանը։ Թվում է, թե սրանք մանրուքներ են, բայց հենց այս ամենը հաշվի առնելու դեպքում վերանորոգումը կպահպանվի երկար։
Պատերի և առաստաղի հարդարում
Առաստաղն ու պատերը հարդարելիս նույնպես զերծ մնացեք ամենանորաձև համարվող նյութերից ու դիզայնից․ չէ՞ որ դրանք կարող են որոշ ժամանակ անց այլևս նորաձև չլինել ու նյարդայնացնել իրենց գույներով ու ընտրված նախշերով։
Ընտրեք լվացվող նյութեր
Սրա մասին սովորաբար մարդիկ մոռանում են, իսկ երբ պատերին կամ հատակին որևէ դժվար մաքրվող հետք է լինում, մտածում են, թե ինչու չընտրեցին այնպիսի նյութեր, որոնք լվանալը հեշտ կլիներ։
Գնեք որակյալ սանտեխնիկա
Սանտեխնիկան մենք օգտագործում ենք ամեն օր, ուստի որակն ու արտաքին տեսքը չափազանց կարևոր են։
Սանտեխնիկա ընտրելիս մի մոռացեք հաշվի առնել․
• Հարմարավետությունը
• Ամրությունն ու հուսալիությունը
• Պատրաստման նյութը
• Չափերը, ձևը, կառուցվածքը
Ահա այն ամենը, ինչ պետք է իմանալ վերանորոգման երկարակեցության մասին։
Իսկ թե ինչպես անել վերանորոգում ինքնուրույն, կարդացեք «Բնակարանի վերանորոգում» հոդված-ուղեցույցը։