Վերանորոգումը թվում է բարդ ու ժամանակատա՞ր, մենք այսօր կապացուցենք հակառակը՝ առաջարկելով քայլերի պարզ հերթականություն, որն այդ գործընթացը կդարձնի հեշտ ու հաճելի։
Եվ այսպես, եթե որոշել եք վերանորոգել բնակարանն ինքնուրույն, ապա պետք է պատրաստ լինեք կարգավորելու բոլոր աշխատանքները։

Նախապատրաստական աշխատանքներ

Սա դեմոնտաժման փուլն է, որի ընթացքում անհրաժեշտ է հեռացնել հին պաստառները, սվաղը, հատակի ծածկույթը և այլն, այսինքն՝ տարածքը պատրաստել վերանորոգման համար։

Պատուհանների և դռների տեղադրում

Եթե պատուհանները կամ դռները նորերով փոխարինելու անհրաժեշտություն կա, ապա դրանք պետք է անել նախքան սվաղման աշխատանքներին անցնելը։ Պատուհանագոգերն ու պատուհանները տեղադրելուց հետո խորհուրդ է տրվում անպայման ծածկել պոլիէթիլենային հաստ շերտով, որպեսզի հետագա աշխատանքների ընթացքում չվնասվեն։

պատուհանների-տեղադրում

Սվաղման աշխատանքներ

Այս փուլը ենթադրում է պատերի հարթեցում, նախաներկում, սվաղում, մածկում և այլն։ Հիշեք, որ առաստաղի սվաղման կամ կախովի առաստաղների տեղադրման աշխատանքներն իրականացվում են օդափոխիչների տեղադրման, էլեկտրահաղորդալարերի անցկացման աշխատանքներից հետո։

սվաղում

Հաղորդալարերի անցկացում

Սա վերանորոգման ամենակարևոր փուլերից մեկն է, որը պետք է կատարվի մեծ ուշադրությամբ։ Պետք է ընտրել վարդակների ու անջատիչների համար նախատեսված հատվածներն ու կատարել էլեկտրական լարերի անցկացման ու հոսանքի կարգավորման աշխատանքները։

հաղորդալարերի-անցկացում

Տաք հատակի տեղադրում

Եթե որոշել եք հատակը ջեռուցել, ապա տաք հատակի տեղադրման ժամանակն է, որին հաջորդելու է հարթեցման, ապա սվաղի չորացման փուլը։

Վերջնական հարդարման աշխատանքներ

Հատակից հետո կարելի է անցնել դռների տեղադրմանը, իսկ հետո՝ հարդարմանը։
Այս ամենն իրականացվում է հետևյալ հերթականությամբ՝

  • Առաջին հերթին կատարվում է առաստաղի սպիտակեցում։
  • Հատակի ծածկույթների տեղադրում, որը կատարվում է պատերի ու առաստաղի հարդարումից հետո։
  • Շրիշակների, անջատիչների, վարդակների և այլ դեկորատիվ տարրերի, իսկ լոգասենյակում ու խոհանոցում՝ սանտեխնիկայի, ծորակների և այլ աքսեսուարների տեղադրում։

Ահա, թե որոնք են վերանորոգման ամենակարևոր քայլերը, որոնց հետևելու դեպքում աշխատանքներն ավելի դյուրին ու ճիշտ կընթանան։ Իսկ ինչ վերաբերում է շինանյութին, ապա մտահոգվել պետք չէ։ Գոյություն ունի մեկ վայր, ուր կարելի է գտնել ամեն ինչ վերանորոգման արդյունավետ աշխատանքների համար։