Որքան էլ սանհանգույցը բնակելի սենյակ չի համարվում, այնուամենայնիվ, դրա չափսերն ու ճիշտ կահավորումը պակաս կարևորություն չունեն։
Եվ, չնայած նրան, որ սանհանգույցի ընդարձակությունը կախված է բնակարանի կամ առանձնատան մեծությունից, գոյություն ունեն որոշակի կանոններ, որոնք անպայման պետք է պահպանել։ Իսկ թե որոնք են դրանք, կպարզենք մեր այսօրվա հոդվածում։
Գաղտնիք չէ նաև, որ հենց սանհանգույցի մեծությունից է կախված սանտեխնիկայի չափսերն ու դասավորությունը, ուստի դրանք պետք է ընտրել միմիայն հարդարելուց հետո՝ նախապես որոշելով տեղադրման վայրերը։ Օրինակ՝ կոնքամանը, լոգնոցը, լվացարանը ինչպիսի դասավորություն են ունենալու։
Ի տարբերություն մյուս սենյակների՝ լոգասենյակը սովորաբար ավելի փոքր չափսեր է ունենում։ Սակայն սա չափանիշ չէ, քանի որ լինում են շատ դեպքեր, երբ այն կարող է լինել օրինակ՝ ննջասենյակի մեծության։ Սա արդեն կախված է տան ընդարձակությունից ու բնակիչների նախընտրություններից։
Մի քանի խորհուրդ տարածքի ճիշտ ընտրման համար
Եթե որոշել եք լոգախցիկ տեղադրել, ապա դրա համար սենյակում անհրաժեշտ կլինի 2-2․7քմ։
Լոգնոց (մոտ 170×70սմ) տեղադրելու դեպքում հարկավոր կլինի 2․5-4քմ։
Ջրթափ բաքով կոնքամանի համար անհրաժեշտ կլինի 0․7-1քմ, իսկ միայն լվացարանի համար՝ 1քմ։
Որքա՞ն տարածք է հարկավոր լոգասենյակի համար
Առանձնատան դեպքում նվազագույնը կարող է լինել 4-6քմ, 7քմ և ավելի մեծությամբ սանհանգույցը։
- 6քմ-ի դեպքում հնարավոր է տեղադրել սանտեխնիկա և ոչ մեծ չափսի պահարան, ինչպես նաև լվացքի մեքենա։
- 7քմ և ավելի տարածքի դեպքում հնարավոր է տեղադրել նաև լրացուցիչ սանտեխնիկա։
Ի տարբերություն բնակարանի՝ առանձնատունը հնարավորություն է տալիս ունենալու ընդարձակ սանհանգույց, որն առանձնանում է իր ֆունկցիոնալությամբ ու հանգստի հնարավորություններով։
Մի քանի կարևոր կանոն հեռավորությունը ճիշտ պահպանելու համար
Սանտեխնիկան տեղադրելուց առաջ անպայման պետք է հաշվի առնել դրանց միջև եղած հեռավորությունները։
- Կոնքամանից երկու կողմերի հեռավորությունը պետք է լինի ոչ պակաս, քան 25 սմ, իսկ դեպի կոնքաման անցումը՝ 60սմ։
- Լվացարանին անցումը պետք է լինի 70սմ, իսկ դեպի լոգարան՝ 70-120սմ։
Ահա այն ամենը, ինչ պետք է իմանալ հարմարավետ սանհանգույց ունենալու համար։ Իսկ թե ինչ պետք է հաշվի առնել սանտեխնիկա գնելիս, կարդացեք մեր՝ «Ինչպես ընտրել սանտեխնիկա» հոդվածը։