Կախովի առաստաղներն այսօր հարդարման ամենատարածված ու նախընտրելի տարբերակն են համարվում։ Այս առաստաղների առավելություններից մեկն այն է, որ աշխատանքներն իրականացնելիս շատ ժամանակ ու ջանք չի պահանջվում, իսկ արդյունքում ունենում ենք մեր նախընտրած դիզայնով նորաոճ առաստաղներ։
Իսկ թե ինչպես հարդարել KNAUF գիպսակարտոնե սալերով պատրաստված կախովի առաստաղները, կպատմենք մեր այսօրվա հոդվածում։
KNAUF գիպսակարտոնե սալերը լինում են՝ հրակայուն, ջրակայուն, սովորական, ակուստիկ և սապֆիր, որոնցից յուրաքանչյուրն ունի կիրառման առանձնահատկությունները։
- Հրակայուն – ունեն բարձր հրակայունություն և նախատեսված են նաև հրդեհապաշտպան ծածկույթների ու կառույցների ստեղծման համար։
- Ջրակայուն – կիրառելի են բարձր խոնավություն ունեցող տարածքներում
- Սովորական – առավելապես կիրառվում են ներքին հարդարման համար չոր և նորմալ խոնավության պայմաններում։
- Ակուստիկ – առանձնանում են բարձր ձայնամեկուսացնող հատկությամբ։ Նախատեսված են ոչ միայն առաստաղների հարդարման, այլև պատերի երեսպատման, միջնորմների հարդարման համար։
- Սապֆիր – ունի բարձր ամրություն, հարվածակայուն է ու խոնավակայուն։ Կիրառվում է նաև բարդ ճարտարապետական լուծումների, կոր մակերեսների պատրաստման համար։
Առաստաղի հարդարում
Առաստաղը հարդարելուց առաջ պետք է համոզվել, որ գիպսակարտոնե սալերը ճիշտ են ամրացված, որից հետո կարելի է անցնել հարդարման աշխատանքներին։
Ահա քայլ առ քայլ ուղեցույցը, թե ինչպես պետք է հարդարել կախովի առաստաղները։
- Կցակարերը ծածկում ենք ծեփամածիկով
- Այնուհետև մածկաթիակի օգնությամբ հեռացնում ենք ծեփամածիկի մնացորդները
- Ամրացնում ենք հատուկ կարերը փակելու համար նախատեսված ժապավենով
- Ժապավենները ծածկում ենք ծափամածիկի շերտով, որից հետո լայն մածկաթիակի օգնությամբ կրկին մշակում ենք կարերը
- Նախնական աշխատանքները կատարելուց հետո սպասում ենք, որպեսզի չորանա, ապա կատարում հաջորդ քայլը, որն է՝ առաստաղի հղկումը
Եվ վերջում արտաքին անկյուններում տեղադրում ենք անկյունակները։ Ժապավենն ամրացնում ենք ներքին անկյունների և գիպսակարտոնի միջև, որից հետո մակերեսը մածկում ենք։
Ինչպես տեսաք, առաստաղի հարդարումն այնքան էլ բարդ չէ, և դա կարելի է անել նաև ինքնուրույն։ Իսկ Knauf ապրանքանիշի գիպսակարտոնե բարձրորակ սալերը կարող եք գտնել ՎԱԿ Գրուպի բոլոր խանութ-սրահներում՝ վստահ լինելով, որ կունենաք գերազանց արդյունք։