Մուգ գույներից մինչև գունավոր լուծումներ: Ստորև ներկայացնում ենք Ձեզ 2021 թվականի խոհանոցային նոր թրենդները: Այստեղ դուք կարող եք գտնել հետաքրքիր գաղափարներ խոհանոցին նոր շունչ տալու համար:
1. ՄԱՐՄԱՐ
Դարեր շարունակ մարմարը ասոցացվել է շքեղության հետ: Ճարտարապետությունից մինչեւ արվեստ մարմարը անփոխարինելի շինարարական նյութ է համարվում, քանզի այն կարողանում է դիմակայել հսկայական քաշ: Եվ իսկապես, մարմարը խոհանոցին փոխանցում է անզուգական շքեղություն և նորաոճ հարդարանք:
2. ՓԱՅՏԵ ՀԱՐԴԱՐԱՆՔ
Երկար ժամանակ նորաձևությունից դուրս լինելով, այժմ փայտը կրկին ապրում է իր վերածնունդը: Հիմա այն ջերմ միջավայր է ստեղծում խոհանոցում բոլոր ընտանիքների համար:
3. ՄՈՒԳ ԴՐԱՄԱ
Ինչպես գիտենք սևը դասական և համարձակ գույն է, և այն կարող ենք համադրել գրեթե բոլոր խոհանոցային պարագաների հետ: Իհարկե այս դեպքում պետք է ընտրել համապատասխան լուսավորություն: Մուգ գույները ընդգծում են նաև տանտիրոջ խիզախ բնավորության գծերը:
4. ԳՈՒՆԱՎՈՐ ԻՆՏԵՐԻԵՐ
2021-ը հնարավորություն է տալիս խոհանոցը լցնել գույներով, սկսած կենցաղային տեխնիկայից և հատակից մինչև պատուհաններ և պահարաններ: Ընդ որում գունավոր խոհանոցը այս տարվա ամենամատչելի տարբերակն է:
5. ԳՐԱՍԵՆՅԱԿԱՅԻՆ ԽՈՀԱՆՈՑ
Գրասենյակային խոհանոցները յուրօրինակ լուծում են առաջարկում այժմյան խնդիրներին, քանզի ժամանակակից աշխարհում շատերը աշխատում են հեռահար, իրենց իսկ տներից: Միաժամանակ այն հիանալի միջոց է տարածքը խնայելու հարցում: 2-ը մեկում տարածք, որտեղ կարելի է աշխատել ըմբոշխնելով տաք սուրճը: