Բնակարանը վերանորոգելը բարդ ու ժամանակատար գործընթաց է, իսկ երբ հերթը հասնում է առաստաղին, խնդիրն ավելի է դժվարանում հատկապես այնպիսի դեպքերում, երբ առաստաղը ցածր է կամ անհարթ։ Ի՞նչ անել, ի՞նչ առաստաղ ընտրել, որպեսզի լինի և՛ գեղեցիկ, և՛ թաքցնի բոլոր թերությունները։
Գոյություն ունեն առաստաղների մի քանի տեսակներ, որոնցից յուրաքանչյուրն ունի իր առավելությունները, սակայն այսօր կխոսենք կախովի առաստաղների առանձնահատկությունների մասին։
Վերջին տարիներին շատ տարածված է կախովի առաստաղների կիրառումն ինտերիերում։ Այն թույլ է տալիս թաքցնել առաստաղի թերությունները, հաղորդալարերը, օդափոխության համակարգը, կրճատել առաստաղի բարձրությունը, եթե տարածքը բավականաչափ ընդարձակ է և այլն։
Կախովի առաստաղների տեսակները
Կախովի առաստաղը բաղկացած է մետաղական հիմքից, որի վրա տեղադրվում են տարբեր նյութերից պատրաստված սալիկներ կամ ամրացվում են գիպսակարտոնե թիթեղներ։
Դրանք լինում են՝
Սալիկային
Սա ամենատարածված տեսակն է, որի դեպքում սալիկները տեղադրվում են մետաղական հիմքի վրա։
Ձողային
Այս տեսակի առաստաղները պատրաստվում են մետաղական ձողերից, որոնք պատված են լինում քայքայումից զերծ պահող լաքով։ Կիրառվում են բարձր խոնավություն ունեցող սենյակներում՝ խոհանոցում ու լոգասենյակում։
Ռաստրային կամ Գրիլյատո առաստաղներ
Սա վանդակավոր պանելներից կազմված կախովի համակարգ է, որի հիմքն ալյումինե պրոֆիլները կամ փայտե ձողերից պատրաստված վանդակներն են։
Կախովի առաստաղը ճիշտ հավաքելուց ու տեղադրելուց է կախված, թե այն որքան երկար կծառայի։
Կախովի առաստաղի առավելությունները
- Տեղադրումը հեշտ է
- Թաքցնում է բոլոր անհարթություններն ու թերություները
- Խլացնում է ձայնը՝ ապահովելով ձայնամեկուսացում
- Առաստաղի վրա հեշտությամբ են տեղադրվում լամպերը
- Նյութերի բազմազանությունը հնարավորություն է տալիս իրականացնելու բոլոր դիզայներական մտահղացումները
ՎԱԿ Գրուպ խանութ-սրահները համալրված են KNAUF գերմանական ապրանքանիշի բարձրորակ, երկարադիմացկուն ու գեղեցիկ կախովի առաստաղներով, որոնք հնարավորություն են տալիս գիպսակարտոնե թիթեղների օգնությամբ ստանալ բազմաձև առաստաղներ, այդ թվում՝ գնդաձև ու կոնաձև։
KNAUF առաստաղները
- Հրակայուն և խոնավադիմացկուն են
- Հեշտությամբ են տեղադրվում
- Հարթեցնում են մակերեսը՝ թաքցնելով բոլոր թերությունները
- Թույլ են տալիս ստեղծել ցանկացած բարդության լուսավորության համակարգ
- Ապահովում են սենյակի ձայնա և ջերմամեկուսացումը
Գերմանական KNAUF ապրանքանիշի կախովի առաստաղների շնորհիվ կունենաք նորաձև ու գեղեցիկ ինտերիեր։
