Բնակարանի ներդաշնակ ու գեղեցիկ հարդարման գործում շատ կարևոր դեր են կատարում միջսենյակային դռները, որոնք ինտերիերը դարձնում են ամբողջական։ Դրանք ընտրելիս սովորաբար առաջնորդվում ենք գեղեցիկ ու որակյալ լինելու հատկանիշներով, մինչդեռ կան նաև այլ կարևոր գործոններ։ Այս հոդվածում կպարզենք, թե ինչպես պետք է ընտրել միջսենյակային դռներ։
Վերանորոգում անելիս բոլորն էլ կանգնում են ընտրության առջև՝ ի՞նչ դռներ ընտրել, որո՞նք են նորաձև և այլն։ Ի՞նչ անել՝ լսել ծանոթ-բարեկամների խորհուրդները, վստահել մասնագետների՞ն, թե՞ ինքնուրույն որոշում կայացնել։ Իհարկե, բանիմաց մասնագետներին պետք է վստահել, իսկ տեղեկացվածությունը կօգնի վստահ լինել, որ ճիշտ որոշում եք կայացրել։
Միջսենյակային դռներ ընտրելիս անպայման հաշվի առեք՝
- Դռնախորշի չափերը
- Ամրությունը
- Համապատասխանությունը ինտերիերին
Միջսենյակային դռների տեսակները
Դռները միմյանցից տարբերվում են ոչ միայն իրենց գույնով, ձևով ու դիզայնով, այլև բացվելու առանձնահատկությամբ։
Ըստ բացվելու տեսակի՝ լինում են՝ բացովի, ծալովի, անվավոր և ճոճվող։ Ամենատարածվածը համարվում են հակադիր բացվող դռները, որոնք իրենց պարզ կառուցվածքի շնորհիվ հեշտությամբ են տեղադրվում։
Դրանք իրենց հերթին լինում են աջ և ձախ բացվող, միափեղկ ու երկփեղկ։ Թե դրանցից որն ընտրել, կախված է սենյակի դիրքից և իհարկե՝ հարմարավետությունից։
Դռներն ընտրելիս պետք է մեծ ուշադրություն դարձնել նաև միջսենյակային շեմիկին։ Այն պետք է համապատասխանի հատակի ծածկույթին կամ դռան գույնին։
Ի՞նչ նյութերից են պատրաստվում դռները
Միջսենյակային դռների հիմնական նյութը համարվում է փայտանյութը, որի համար օգտագործվում են ինչպես փայտանյութի ամբողջ զանգվածն, այնպես էլ մշակված նյութեր, ինչպիսիք են՝ ԴՍՊ, ՄԴՖ և այլն։ Այդ դռների հետ աշխատելն ու դրանք տեղադրելը չափազանց հեշտ է։
Կաղնեփայտից և ընկուզենուց պատրաստված դռներն առանձնանում են իրենց շքեղությամբ ու արժեքով։ Համեմատաբար ավելի մատչելի են համարվում սոճուց պատրաստված դռները։
Այն փափուկ փայտ է համարվում, ուստի ջերմաստիճանի տատանումների ժամանակ կարող է ենթարկվել դեֆորմացիայի։ Այդ իսկ պատճառով հարմար չէ լոգասենյակի համար։
Պլաստիկե դռներ նախկինում կարելի էր հանդիպել միայն հասարակական տարածքներում։ Սակայն այսօր կան շատ գեղեցիկ պլաստիկե դռներ, որոնք հանգիստ կարելի է օգտագործել որպես բնակարանի միջսենյակային դռներ։
Այսօր շուկան հարուստ է միջսենյակային դռների հսկայական տեսականիով, որոնք առանձնանում են իրենց դիզայնով։
Գեղեցիկ ու նրբաճաշակ դռների և դրանց համար նախատեսված փականների ու բռնակների լայն տեսականուն կարող եք ծանոթանալ ՎԱԿ Գրուպ խանութ-սրահներում։ Այստեղ կգտնեք ձեր գրպանին, ճաշակին ու ինտերիերին համապատասխան բարձրորակ դռներ։