Լոգասենյակի ու խոհանոցի ինտերիերը հնարավոր չէ պատկերացնել առանց ամենակարևոր բաղադրիչի՝ ծորակի։
Գոյություն ունեն ծորակների բազմաթիվ տեսակներ, որոնք մի կողմից ընտրության հնարավորություն են տալիս, իսկ մյուս կողմից դժվարացնում այն։ Ի՞նչ անել այս դեպքում, ինչպե՞ս ճիշտ կողմնորոշվել և ընտրել այն տարբերակը, որն անհրաժեշտ է։
Առաջարկում ենք ծանոթանալ ծորակների տեսակներին ու առանձնահատկություններին, որոնք կհեշտացնեն մեր ընտրությունը։
Ծորակների տեսակները
Ծորակները տարբերվում են ոչ միայն իրենց ձևով ու դիզայնով, այլև ֆունկցիոնալությամբ, պատրաստման նյութով, կմախքի դեկորատիվ ծածկույթով և այլն։
Ճիշտ ծորակ ընտրելու համար պետք է ծանոթ լինել դրանց տեսակներին։
Ամենատարածվածը երկկափույր ծորակներն են՝ տաք ու սառը ջրի կառավարման հնարավորությամբ։
Մեկ կափույրով ծորակները ոչ միայն գեղեցիկ են, այլև շատ հարմար են օգտագործման համար։ Վերև բարձրացող ու ներքև իջնող, աջ ու ձախ պտտվող ընդամենը մեկ լծակի միջոցով հնարավոր է կառավարել ջրի ջերմաստիճանը։
Այժմ նորաձև են նաև սենսորային, ինֆրակարմիր ընկալող-հաղորդող, կասկադ-ծորակները, որոնք աշխատում են ձեռքի մեկ շարժումով։
Ի՞նչ նյութերից են պատրաստվում
Ծորակները կարող են լինել տարբեր նյութերից՝ արույր, լեգիրված պողպատ, սիլումին, պողպատ, մետաղ, քրոմ և այլն։ Օգտագործվում են նաև պոլիմերն ու կերամիկան, սակայն միայն կափույրների բռնակները պատրաստելու համար։
Որքան պատրաստման նյութը որակյալ է, այնքան ավելի երկար կծառայեն ու դրանք հաճախակի փոխելու անհրաժեշտություն չի լինի։
Ինչպես ընտրել ծորակներ
Ինչպես գիտենք, խոհանոցի ծորակն ավելի ծանրաբեռնված է աշխատում՝ ի տարբերություն լոգասենյակի։ Սակայն երկուսի համար ծորակ ընտրելիս պետք է հաշվի առնել՝
- «Գլխիկի» բարձրությունը
- Լվացարանի չափերը
- Լծակների քանակը
- Պտտելու հնարավորությունը
- Դիզայնը
Երբեմն ծորակից օգտվելը երեխաների համար խնդիր է դառնում։ Մի կողմից ծնողները խուսափում են պարզ գործածություն ունեցող ծորակներից հնարավոր վտանգների պատճառով, իսկ մյուս դեպքում ցանկանում, որպեսզի երեխաներն էլ հեշտությամբ կարողանան օգտվել։ Այնպես որ ծորակների ընտրությունը յուրաքանչյուրի դեպքում անհատական է։
Հիշեք՝ ամենակարևորը հուսալիությունն ու հարմարավետությունն է։ ՎԱԿ Գրուպ խանութ-սրահներում կարող եք գտնել լոգասենյակի ու խոհանոցային ծորակների բազմաթիվ տեսակներ։ Իսկ ընտրության հարցում կօգնեն նաև խորհրդատու վաճառողները։