Էլեկտրական աքսեսուարները ոչ միայն անհրաժեշտ են շինարարության ու վերանորոգման համար, այլև կենցաղի ամենագործածական մասն են կազմում՝ առանց որոնց հնարավոր չէ պատկերացնել մեր առօրյան։ Օրինակ՝ լույսը վառելու-հանգցնելու համար մեզ օգնության են գալիս անջատիչները և այլն։
Այսօր կխոսենք հենց այս աքսեսուարների ու դրանց կիրառման մասին։
Հաղորդալարեր
Սրանք տեսախցիկների, դինամիկների, հեռախոսների, համակարգիչների, ազդանշանների համար նախատեսված լարեր են, մալուխներ և այլն։ Պատրաստված են տարբեր նյութերից (պղինձ, ալյումին) և ունենում են տարատեսակ հաստություններ։
Տուփեր
Ապոհովիչների, էլեկտրաբաշխիչ, մոնտաժային, հոսանքի և այլ տուփերն ապահովում են էլեկտրականության հավասար բաշխումը, էլեկտրական համակարգի փակ ու անվտանգ լինելը, պաշտպանում հրդեհներից։ Պատրաստվում են բարձրորակ նյութերից, ունեն կոկիկ կառուցվածք։
Անջատիչներ ու վարդակներ
Անջատիչներն ու վարդակներն այսօր ավելին են, քան ուղղակի կենցաղի մաս կազմող տարրեր։ Դրանք թեև փոքր են, բայց մեծ դեր են խաղում ինտերիերում՝ շնորհիվ դիզայնի ու գունային տարբեր լուծումների։
Երկարացման լարեր
Երկարացման լարերն օգտագործվում են ինչպես տանն, այնպես էլ գրասենյակում, շինարարության ու հարդարման աշխատանքների ժամանակ, երբ կարիք է լինում մի քանի կենցաղային տեխնիկա, համակարգչային լարեր կամ գործիքներ միևնույն վարդակին միացնելու համար։ Լինում են տարբեր՝ ըստ միացման տեղերի քանակի, երկարության ու հզորության։
Բացի վերը նշվածներից, ՎԱԿ Գրուպ խանութ-սրահներում կարող եք գտնել նաև այլ էլեկտրական աքսեսուարներ՝ վերելակների կոճակներ, լույսի կարգավորիչներ և այլն։
Առանց էլեկտրականության ապրելն անհնարին է։ Սակայն դրանք նաև կյանքի համար սպառնալիք կարող են լինել սխալ օգտագործման դեպքում։ Այդ իսկ պատճառով պետք է հոգ տանել որակյալ էլեկտրական աքսեսուարներ ունենալու մասին։
Հոգ տարեք Ձեր անվտանգության մասին ՎԱԿ Գրուպի հետ։