Վերանորոգումը ժամանակատար գործընթաց է, որին գոնե մեկ անգամ բախվում է մեզնից յուրաքանչյուրը։
Երբ բնակարանը վերանորոգման կարիք է ունենում, առաջին քայլը, որ անում ենք, մասնագետներ գտնելն է, որից անմիջապես հետո անցնում ենք գործի։ Արդյունքում ծախսում ենք ավելին, քան նախատեսել էինք։
Այսօր կփորձենք պարզել, թե ինչպես կարելի է անել ոչ ծախսատար վերանորոգում։
Դիզայնի նախագծում
Շատ հաճախ ավելորդ ծախսերի անհրաժեշտություն է լինում սխալ կամ թերի կատարված վերանորոգման պատճառով։ Ի՞նչ անել նման խնդիրներից խուսափելու համար։ Դե իհարկե, ունենալ դիզայնի նախագիծ, որի շնորհիվ նախնական պատկերացում կարելի է կազմել վերանորոգման վերջնական արդյունքի մասին՝ հաշվի առնելով սենյակիների չափերը, կահույքի, վարդակների, անջատիչների տեղադրումը և այլն։
Կազմեք նախահաշիվ
Վերանորոգման նախահաշիվն օգնում է պլանավորել բյուջեն, հասկանալ ձեր պահանջներն ու հնարավորություննները և գտնել լավագույն տարբերակը։
Գնեք որակյալ շինանյութ
Վերանորոգումից առաջ պետք է կազմել անհրաժեշտ գնումների ցանկ։ Եթե ուզում եք, որպեսզի վերանորոգումը երկար ծառայի, ապա խնայողություններ անել չի կարելի։ Իսկ եթե չեք ցանկանում բնակարանը վերանորոգել մոտակա 5-10 տարիների ընթացքում, ապա պետք է զերծ մնալ ոճային ուղղություններից և նախապատվությունը տալ դասական ոճին։ Բացի այդ, շատ կարևոր է նաև շինանյութի ճիշտ ընտրությունը, քանի որ հենց դրանից է կախված վերանորոգման որակն ու երկարատևությունը։
Մի կատարեք նախատեսվածից ավելի գնումներ
Հաճախ շինանյութը գնում ենք պահուստային մեծ քանակով, ինչը գումարի կորուստ է։ Վերանորոգումից հետո մնում են ավելորդ պաստառներ, սոսինձ, ներկ, սալիկներ, լամինատ և այլն։ Այս ամենից զերծ մնալու համար պետք է կատարել գնումների ճիշտ հաշվարկ վարպետի օգնությամբ։
Դե ինչ, արդեն գիտեք, թե ինչ պետք է անել ավելորդ գումարներ ծախսելուց խուսափելու համար։
Հուսով ենք՝ այս խորհուրդները կօգնեն Ձեզ ավելի հաճելի դարձնել վերանորոգումը: