Սպիտակ հատակը տարածքը դարձնում է թեթև և ընդարձակ, իսկ ինտերիերն՝ ավելի էլեգանտ: Վաղուց անցել են այն ժամանակները, երբ սպիտակ հատակը ասոսացվում է հիվանդանոցների հետ: Սպիտակ հատակը արդեն լայնորեն օգտագործվում է բազում տարածքներում:
Սպիտակի հսկայական գրավչությունն իր նրբագեղության և մաքրության մեջ է: Այն ընդգծում է մինիմալիստական ինտերիերի զսպվածությունն ու ազնվականությունը:
Որո՞նք են սպիտակ հատակի առավելություններն ու թերությունները:
Ինչպես ցանկացած այլ տեսակի և գույնի հատակը, սպիտակը նույնպես ունի իր առավելություններն ու թերությունները: Շատ տանտերեր և դիզայներներ նախընտրում են մուգ հատակը, քանի որ դրանք դասական են համարվում տան ձևավորման մեջ: Կա կարծիք, որ հատակին սպիտակ գույնը հաղորդում է ոչ շքեղ և թանկ տեսք, քան մուգ հատակը: Այնուամենայնիվ, ակնհայտ է, որ սպիտակ հատակը տեսողականորեն ընդլայնում է տարածությունը, և սենյակներն ավելի ընդարձակ են թվում:
Ինչպես նշեցինք, սպիտակ գույնը արտացոլում է լույսը, և սա կատարյալ ընտրություն է փոքր սենյակների և այն սենյակների ինտերիերի ձևավորման համար, որտեղ սահմանափակ է բնական լույսը:
Մեկ այլ հիմնական առավելությունն այն է, որ սպիտակ գույնը ստեղծում է թեթևության և մաքրության զգացում: Այն ունի հանգստացնող ազդեցություն և օգնում է թեթևացնել սթրեսը զբաղված օրվանից հետո:
Կարևոր առավելություններից է նաև այն, որ փոշին սպիտակ հատակին այնքան էլ տեսանելի չէ, որքան մուգ մակերեսներին: Բաց գույնի հատակի այս հատկությունը թույլ է տալիս նվազեցնել սենյակի մաքրման հաճախականությունը:
Սպիտակ գույնը չեզոք է և կարող է համակցվել ցանկացած այլ գույնի հետ, միաձուլվել ցանկացած ոճի հետ:
Իհարկե փոշին տեսանելի չէ սպիտակ հատակին, փոխարենը ցանկացած այլ տեսակի աղբ նկատելի է և պահանջում է անհապաղ հեռացում: Սպիտակ հատակի դեպքում, ի տարբերությւոն մուգ մակերեսների, ակնհայտ տեսանելի են նաև ճաքերը, փորվածքները և քերծվածքները:
Իր բոլոր առավելություններով և թերություններով հանդերձ, ինտերիերի ձևավորման մեջ սպիտակ հատակը գնալով ավելի տարածված է դառնում: Այն էլեգանտ է և ստեղծում է հարմարավետ և հանգիստ մթնոլորտ:
Սալիկների ու լամինատե հատակի ամենալայն տեսականին փնտրեք մեր խանութ-սրահներում։ Մեր մասնագետները կօգնեն կատարել լավագույն ընտրությունը։