Ինտերիերի դիզայնի ժամանակակից գաղափարները դուրս են գալիս «սովորական»-ի շրջանակներից, և այժմ կահույքը, որը նախկինում թվում էր, թե անտեղի էր տանը, զբաղեցնում է հիմնական դիրքերից մեկը:
Եթե կարծում եք, որ մետաղական դարակների տեղը միայն կոմունալ սենյակներում է կամ ավտոտնակում, ապա սխալվում եք։ Մետաղական դարակները հմտորեն կարող եք տեղավորել թե՛ ննջասենյակում, թե՛ հյուրասենյակում:
Իհարկե, առաջնային է նման դարակը համապատասխանեցնել ձեր ինտերիերի ընդհանուր ոճի հետ: Նշենք, որ դասական մետաղական դարակները հիանալի տեղավորվում են ինչպես արդյունաբերական ոճի ինտերիերի, այնպես էլ ժամանակակից և «լոֆթ» ոճով:
Այսպիսով, պահարանները փոխարինող դարակը հիանալի լուծում է ինչպես իրերի տեղավորման, պահեստավորման, այնպես էլ դրանց ցուցադրման համար: Դրանք հարմար են այնպիսի իրերի համար ինչպիսիք են գրքերը, տնային բույսերը, դեկորատիվ իրեր և այլն:
Մետաղական դարակներն ու ինտերիեր դիզայնը
Ընդհանուր առմամբ, մետաղական դարակները հուսալի են, դիմացկուն և նաև մատչելի: Դրանք ոչ միայն հարմարավետ են, այլև նորաձև, ոճային, ժամանակակից։
Հայ թեք (high-technology)
Այս ոճի ինտերիերի դիզայնը, որը ենթադրում է պողպատի և մետաղի համադրություն սենյակի այլ դեկորատիվ իրերի հետ, լայնորեն տարածում է գտել վերջին տարիներին: Հայ թեք ոճը լավագույնս ընդունում է մետաղական դարակաշարերը ինտերիերում:
Նման ոճի դարակաշարերին կարելի է կցել նաև լրացուցիչ տարրեր:
Մինիմալիզմ
Հավանաբար, այսօր սա ինտերիերի ամենահայտնի ոճն է, որի առանձնահատկություններից են բաց գույները, վառ լուսավորությունը, միջավայրում միայն անհրաժեշտ իրերի առկայությունը։ Մինիմալիզմի հիմնական գույները ավանդաբար սպիտակ և մոխրագույն երանգներն են, որոնք նաև թույլատրվում է կիրառել փայտի կամ մետաղի համակցությամբ:
Լոֆթ
Այս ոճով սենյակի պատերը զարդարելը բավականին պարզ է, ներկված կամ սվաղված պատերը պարունակում են աղյուսից կամ բետոնից պատրաստված դեկորատիվ ներդիրներ: Լոֆթին բնորոշ են նաև մետաղական բաց երանգի դարակների կիրառությունը:
Եթե ամփոփոենք, ապա պետք է նշել, որ մետաղական դարակաշարերի առավելություններից են նաև չճռճռացող դռները, դրանց մեջ ապակիների բացակայությունը։ Ժամանակակից բոլոր մոդելները հիմնականում պատրաստված են լինում չժանգոտվող բարձրորակ պողպատից և կայուն են ջերմաստիճանի փոփոխություններին:
Բացի դրանից, մետաղական դարակների մաքրությունը շատ ավելի հեշտ և արագ է, քան ավանդական դարակների և պահարանների մաքրությունը: Ուստի, գտեք ինտերիերին համախատասխան նորաոճ մետաղական կահույք և ձևափոխեք ձեր ինտերիերը: