Ամռանն ընդառաջ այս հարցն անհանգստացնում է լողավազան ունեցողներին. երբ, ինչպես և ինչ ներկով ներկել լողավազանը:
Առհասարակ, ներկը համարվում է լողավազանի մակերեսը հարդարելու ամենատարածված միջոցներից մեկը: Այն կարող է լինել տարբեր երանգների և համարվում է մատչելի այլընտրանք ավելի բարդ և թանկ մակերեսների համար:
Ի՞նչ հաջորդական քայլերից է կազմված լողավազանի ներկման գործընթացը👇
1.Գնեք նույն տեսակի ներկ, որը նախկինում օգտագործել եք լողավազանի մակերեսը հարդարելու համար՝ էպոքսիդային, քլորի, ռետինե խեժի հիմքով կամ ակրիլային:
2.Հեռացրեք լողավազանի ամբողջ ջուրը և մանրակրկիտ մաքրեք լողավազանը տերևներից, աղբից և թափված բեկորներից:
3.Եթե լողավազանում կան ճաքեր ու անցքեր, հիդրավլիկ ցեմենտի օգնությամբ փակեք դրանք:
4.Մաքրեք բետոնի արտաքին մակերեսը հետևյալ հաջորդական քայլերով՝
- Հեռացրեք հին ներկը քերիչով կամ մետաղական խոզանակով: Համոզվեք, որ ամբողջ ներկը հեռացված է, ապա սրբեք մաքուր մակերեսը:
- Լողավազանի մակերեսը մաքրելու համար օգտագործեք թթվային հիմքով խառնուրդ (50% ջուր և 50% աղաթթու): Պատերը և հատակը մանրակրկիտ մաքրեք խոզանակով, ապա ամբողջ մակերեսը մաքուր ջրով լվացեք:
- Մակերեսը կրկին մաքրեք նատրիումի ֆոսֆատով (TSP)` թթուն չեզոքացնելու և յուղը կամ ճարպը հեռացնելու համար: Մակերեսը մանրակրկիտ լվացեք մաքուր ջրով:
5.Լողավազանը ամբողջությամբ լավ լվանալուց հետո թողեք մակերեսը չորանա 3-5 օր: Միայն ակրիլային ներկը կարելի է քսել խոնավ մակերեսների վրա:
6.Չորանալուց հետո սկսեք ներկել լողավազանը՝ կիրառելով լայն գլխով գլանիկ: Սկսեք լողավազանի ներքևից և բարձրացեք մինչև լողավազանի արտաքին եզրը: Օգտագործեք ներկի խոզանակ` դժվարամատչելի հատվածների համար, ինչպիսիք են լույսերը, ջրահեռացումը և փականները:
7.Թույլ տվեք ներկը չորանա: Կախված ընտրված ներկի տեսակից՝ չորացման ժամանակահատվածը տարբեր է: Ընդհանրապես, անհրաժեշտ է 3-5 օր սպասել ներկի չորացմանը, որպեսզի կարողանաք լողավազանը ջրով լցնել:
8.Լցրեք նոր ներկված լողավազանը ջրով և զովացեք: 😉
Ի դեպ, լողավազանի համար նախատեսված ներկեր կարող եք գտնել մեր խանութ սրահներում: