Խճասալերը գոյություն ունեն արդեն հազարավոր տարիներ: Դրանք կիրառվել են Հին հունական և հռոմեական խճանկարներից մանրահատակներում, ինչպես նաև մերօրյա բազմաթիվ բնակարաններում: Խճասալերը կիրառվում են ոչ միայն հատակների համար այլև բազմաթիվ այլ տարածքների:
Խճասալերի առավելությունները
Խճասալերի ամենամեծ առավելությունը նախագծման հնարավորություններն են: Դուք կարող եք գտնել բազմաթիվ նախապես մշակված խճանկարների նախշեր, կամ ստեղծագործել՝ ստեղծելով նախշեր ինքներդ: Ինչպես ցանկացած սալիկ, այնպես էլ խճասալերը, դիմացկուն և անջրանցիկ են: Խճասալերը տարածված են լոգասենյակներում, բայց հաճախ օգտագործվում են նաև խոհանոցներում, լվացքատներում, արևային սենյակներում:
Խճասալերի թերությունները
Խճասալերի հիմնական թերություններից մեկը տեղադրման գործընթացն է: Անհրաժեշտ է վարձել փորձառու մասնագետ, որը մասնագիտացած է խճանկարային սալիկների տեղադրման գործում:
Պետք է նաև շատ զգույշ լինել՝ խճասալերի վրայով քայլելիս. այն թաց ժամանակ դառնում է շատ սայթաքիչ:
Գոյություն ունեն տարբեր նյութերից պատրաստված խճասալեր՝ ապակուց, քարից, կերամիկայից և այլն։
Խճասալերի տեղադրման տեխնոլոգիա
Սալիկներ փակցնելու համար Ձեզ անհրաժեշտ է հետևել այս մի քանի քայլերին, և արդյունքում կստանաք գեղեցիկ ու յուրօրինակ ինտերիեր:
Սալիկների տեղադրման համար պետք է հեռացնեք հին ծածկույթը, լավ հարթեցնեք ու նախաներկեք մակերևույթը, ինչից հետո սկսեք սոսնձապատման գործընթացը (սոսինձը պետք է հավասար լինի, բայց ոչ հաստ շերտով)։
Այս ամենից հետո վերցրեք խճասալի շերտը և հակառակ երեսի վրա սոսնձային լուծույթ քսեք։ Խճասալը մոտեցրեք պատին և լավ սեղմեք, այնուհետև գլանիկով վրայով անցեք, որպեսզի լավ կպչի։ Խնդրահարույց հատվածներում մի վախեցեք և ռետինե մուրճով հարվածներ կատարեք։
Գեղեցիկ սալիկներ կպցնելու համար պետք է ուշադիր լինել, որ վերջիններս ուղիղ գծով շարված լինեն։
Եթե սկսում եք սալիկներ տեղադրել ոչ թե հատակից, այլ պատի մեջտեղից, ապա ամրացրեք հորիզոնական դիրքով ուղղորդող պրոֆիլ և առաջնորդվեք դրանով։ 15-20 րոպեից խոնավ շորով սալիկները թրջեք ու դրանց վրայից հեռացրեք պաշտպանիչ շերտը։ Հիշեք, եթե կցակարերը ուղիղ չեն, նշանակում է, որ լուծույթն ամբողջությամբ չի չորացել:
1-2 օր հետո արդեն կարող եք կցակարերը մշակել։ Բայց, նախևառաջ, չորացած սոսնձի կտորները մաքրեք մակերևույթի վրայից։ Կցակարերը մաքրեք դանակով, իսկ բաժանումները՝ խոնավ շորով։
Յուրահատուկ հատակի ծածկույթներ կարող եք գտնել մեր խանութ-սրահներում և ձևավորել Ձեր ցանկալի ինտերիերը: