Ըստ միջազգային վիճակագրության՝ մարդն իր կյանքի 5 տարին անցկացնում է լոգասենյակում։ Ուստի, այս սենյակը պետք է լինի հնարավորինս գեղեցիկ ու հարմարավետ։
Ինչպե՞ս ընտրել լոգասենյակի ամենակարևոր մասը կազմող սանտեխնիկան՝ զուգարանակոնքը, ի՞նչ չափանիշներով առաջնորդվել։ Ահա հենց այս մասին կխոսենք մեր այսօրվա հոդվածում։
Զուգարանակոնքերը (կոնքամաններ) տարբերակվում են մի քանի հատկանիշներով, որոնցից մեկը տեղադրման տեսակն է։ Ըստ դրա՝ լինում են հատակի և կախովի։

  • Հատակի զուգարանակոնքն ամրացվում է պտուտակներով, իսկ տեղադրումը մեծ ջանքեր չի պահանջում։ Միակ թերությունն այն է, որ, ի տարբերություն կախովի զուգարանակոնքերի, ավելի մեծ տարածք է զբաղեցնում։ Սակայն գոյություն ունեն նաև անկյունային մոդելներ, որոնք հիանալիորեն ներմուծվում են ցանկացած ինտերիեր։կոնքաման
  • Կախովի զուգարանակոնքերը հարմարավետ են և որևէ դժվարություն չեն առաջացնում տեղադրման ու տարածքի հետ կապված։կախովի-կոնքաման

Զուգարանակոնքեր ընտրելիս պետք է հաշվի առնել նաև հետևյալ հատկանիշները՝

Ամրացման տեսակ

Զուգարանակոնքի տեղադրումը կախված է սենյակի չափերից։ Եթե նեղ սենյակում տեղադրվի հատակի զուգարանակոնք, ապա տեղաշարժվելը բավականին դժվար կլինի, մինչդեռ կախովի տարբերակը թույլ կտա տարածքը խնայել։

Բարձրություն

Զուգարանակոնքի բարձրությունը պետք է լինի այնքան, որպեսզի ոտքերը հանգիստ հենվեն հատակին, և միևնույն ժամանակ ծնկները չլինեն շատ բարձր, այլապես մկանները կլարվեն։

Բաք

Շատ կարևոր է նաև բաքի, ջրթողության համակարգի տեսակը, քանի որ հենց դրանցով է պայմանավորված օգտագործման հարմարավետությունն ու ջրի սպառումը։

Պատրաստման նյութ

Ժամանակակից շուկան առաջարկում է զուգարանակոնքերի լայն տեսականի՝ պատրաստված տարբեր նյութերից (հախճապակի, ճենապակի, քար, մետաղ և այլն):

Ապրանքանիշ

Ընտրելիս հարկավոր է հաշվի առնել, թե որ ապրանքանիշի արտադրանք է և որակական ինչ հատկանիշներ ունի։
Ուշադրություն պետք է դարձնել նաև տարածքի ընդարձակությանը, սենյակի նախագծմանը, սանտեխնիկայի, կահույքի և այլ աքսեսուարների հետ համապատասխանությանը։
Santek ապրանքանիշն առաջարկում է բարձրորակ զուգարանակոնքեր, բիդեներ ու պիսուարներ, որոնք կարելի է գտնել ՎԱԿ Գրուպ խանութ-սրահներում։
Դե ինչ, երբ արդեն գիտենք զուգարանակոնքերի տեսակներն ու առանձնահատկությունները, ընտրություն կատարելն ավելի հեշտ կլինի։ Պետք է միայն այցելել մեր խանութ-սրահներ և մասնագետների օգնությամբ ընտրել ամենահարմար տարբերակը։