Խոհանոցը լոգասենյակից հետո տան ամենաբարձր խոնավություն ունեցող սենյակն է, ուստի հարդարման համար անհրաժեշտ է ընտրել ճիշտ նյութեր։
Ծեփամածիկի տեսակները
Գոյություն ունեն ծեփամածիկի բազմաթիվ տեսակներ՝ գիպսային, ցեմենտային հիմքով, կավե, կրային։ Սրանցից ամենատարածվածների՝ գիպսային ու ցեմենտային տեսակների մասին առավել մանրամասն կխոսենք մեր այսօրվա հոդվածում և կփորձենք պարզել, թե որ տարբերակն է նախընտրելի խոհանոցի հարդարման համար։
Ցեմենտային հիմքով ծեփամածիկ
Հարմար է բոլոր տեսակի պատերի համար (բացի փայտե և ներկած պատերից)։ Առավելություններից է նաև ամրությունը։
Բացի առավելություններից, ունի մի շարք թերություններ՝ ծանր քաշը, ինչի հետևանքով զանգվածը դժվարությամբ է պահվում մակերեսի վրա։ Եվ բացի այդ, առանց մասնագիտական մոտեցման հնարավոր չէ ստանալ կատարյալ հարթ մակերես։
Գիպսային ծեփամածիկ
Ի տարբերություն ցեմենտային հիմքով ծեփամածիկի, սա օգտագործելը չափազանց դյուրին է։ Չի «նստում», քսելը հեշտ է, ունի նաև ձայնամեկուսացնող հատկություններ։ Գիպսային ծեփամածիկը գորշիաթափանց է, ուստի խոնավ սենյակներում ստեղծում է հիանալի միկրոկլիմա և սնկերի առաջացման համար նախապայմաններ չի ստեղծում։
Ամենակարևոր առավելություններից մեկը արագ չորացումն է։ Լիարժեք չորացման համար պահանջվում է 4-5 օր։
Ինչպես տեսանք, սա լավագույն տարբերակն է պատերի և հատակի հարդարման համար։
Միակ թերությունն այն է, որ չի օգտագործվում արտաքին հարդարման համար։
Ո՞ր ապրանքանիշին տալ նախապատվությունը
Շատ կարևոր է ոչ միայն ծեփամածիկի տեսակի ճիշտ ընտրությունը, այլև ապրանքանիշը։
Այն, թե ինչ բաղադրիչներից է պատրաստված, դրանից կարող է կախված լինել հարդարման որակը։
Այս առումով կարելի է նախապատվությունը տալ գերմանական KNAUF ապրանքանիշին, որի Rotband ծեփամածիկը լավագույնն է իր որակով։
Ընտրեք պրոֆեսիոնալ նյութեր, և կատարյալ հարթեցումը, վերջնական մշակումը, ամրությունն ու երկարադիմացկունությունը երաշխավորված կլինեն։