Ստեղծման պատմությունը

ՎԱԿ Գրուպի պատմությունը սկսվել է դեռևս 2002 թվականից և մինչ օրս շարունակում է մնալ ամենախոշոր ու առաջատար ընկերություններից մեկը Հայաստանում։
Սկզբնական շրջանում ընկերությունը զբաղվում էր միայն շինանյութի առևտրով, իսկ հետագայում ընդլայնելով գործունեության շրջանակները՝ սկսեց ներկրել նաև վերանորոգման ու կառուցողական աշխատանքների համար անհրաժեշտ ամեն ինչ (կերամիկական սալիկներ, կերամիկա, սանտեխնիկա, ներկեր, գործիքներ, դռներ, փականներ, կաթսաներ, հայելիներ, ջահեր և այլն)։ Եվ սա դեռ ամենը չէ․ այն մի շարք խոշոր բրենդների (Santek, Triton, Knauf, Lammin և այլն) պաշտոնական ներկայացուցիչներից է Հայաստանում։

ՎԱԿ Մետալ

Սա ՎԱԿ Գրուպ ընկերության ճյուղերից է, որը մասնագիտացված է մետաղի ներկրման և վաճառքի ոլորտում։ Այն ներկայացնում է ռուսական, ուկրաինական, թուրքական ու պարսկական մետաղական որակյալ արտադրանք։
Այն մշտապես հավատարիմ է մնում իր որդեգրած կարգախոսին՝ «ոչ ազնիվ մետաղ՝ ազնիվ աշխատանք»։ Հենց ազնիվ մոտեցման հիմքում էլ ընկած է ընկերության հաջողության գաղտնիքը։

Ընկերության առավելությունները

Ինչպես ցանկացած հաջողակ ընկերություն, այնպես էլ ՎԱԿ-ն ունի իր առավելությունները, որոնց շնորհիվ պահպանում է իր դիրքերը հայաստանյան շուկայում։

  • Որակյալ և միջազգային ստանդարտներին համապատասխան ապրանքատեսականի
  • Բարձրակարգ սպասարկում, խորհրդատվության տրամադրում և անհատական մոտեցում յուրաքանչյուր հաճախորդին
  • Հասանելիություն
  • Հարմարավետություն
  • Ապրանքատեսականու բազմազանություն
  • Չափագրում և անվճար տեղադրում Երևան քաղաքում
  • Առաքում

Ինչո՞ւ ընտրել ՎԱԿ Գրուպ

Վերանորոգման և տարբեր կառուցողական աշխատանքների ժամանակ ցանկացած մասնագետի համար առաջնահերթ կարևորություն ունի որակյալ շինանյութով աշխատելը։ Չէ՞ որ բոլորս էլ ցանկանում ենք, որպեսզի արդյունքը երկար պահպանվի, լինի որակյալ ու միևնույն ժամանակ գեղեցիկ։ Դրա համար գոյություն ունի մեկ վայր, որտեղից կարելի է ձեռք բերել ամեն ինչ և չմտահոգվել որակի մասին։
Մի՞թե սա հենց այն չէ, ինչ պետք է գնորդներին ամբողջական և արդյունավետ գնումներ կատարելու համար։

Որտե՞ղ գտնել մեզ

Մենք հոգ ենք տանում մեր գնորդներին հասանելի և հարմարավետ լինելու մասին։ Ընկերության որակյալ ու ցանկացած գրպանին համապատասխան բարձրորակ ապրանքատեսականին կարող եք գտնել Երևանի տարբեր հատվածներում գտնվող ընկերության գեղեցիկ ու ընդարձակ խանութ-սրահներում՝

  • Հալաբյան 36/2
  • Կոմիտաս 29/3
  • Անդրանիկ 127/5
  • Բաշինջաղյան 187/2

Իսկ Շիրազի 3/1 և Մազմանյան 1/1 հասցեները շատ հարմար են մեծածախ առևտրի համար։ Մեր ընկերությունն առաջնորդվում է «բոլորի համար» սկզբունքով և արտադրանքը հասանելի դարձնում նաև մարզերի համար՝ մատակարարում իրականացնելով Հանրապետության բոլոր շրջանների մանրածախ առևտրով զբաղվող խանութներին։

Գործունեության սկզբունքները

ՎԱԿ Գրուպը սկզբունքային մոտեցում է ցուցաբերում ինչպես պետության, այնպես էլ իր գնորդների հետ հարաբերություններին։ Ընկերությունը, բարեխղճորեն վճարելով բոլոր հարկերը, նպաստում է Հայաստանի տնտեսության զարգացմանն ու կայուն ապագային։

ՎԱԿ Գրուպ՝ ամեն ինչ մեկ վայրում։