Շատերը նախընտրում են վերանորոգում անել տարվա ամենատաք եղանակներին՝ գարնան վերջին, ամռանը կամ աշնան սկզբին։ Ինչո՞ւ, քանի որ հարմար է պատուհանները բացելու, միջանցիկ քամի ստեղծելու և չորացնելու համար։ Սակայն երբեմն հանգամանքերի բերումով, ինչպես օրինակ բնակության վայրը փոխելն է կամ ֆինանսական սուղ պայմանները, ոմանք սպասում են ձմռանը վերանորոգում սկսելուն, իսկ թե որոնք են առավելությունները, կպատմենք մեր այսօրվա հոդվածում։
Գումարի տնտեսում
Ձմռանը վերանորոգում անելու դեպքում դուք կկարողանաք որոշակի գումար խնայել, քանի որ շինանյութի խանութ-սրահները զեղչեր ու ակցիաներ են անում, բացի այդ մասնագետներն ավելի մատչելի գնով են աշխատում, քանի որ պահանջարկը քիչ է լինում։
Հիանալի ժամանակ է պաստառապատման համար
Եթե պաստառապատումն արել եք ամռանը, ապա ձմռանը ջերմային տատանումների հետևանքով կցակարերը կարող են առանձնանալ, անթերի թվացող պաստառների վրա առաջանալ պղպջակներ կամ ծալքեր։ Բացի այդ, ամռանը հաճախ դռները կամ պատուհանները բաց թողնելու հետևանքով լինում է միջանցիկ քամի, որը խոչընդոտում է հարթ հարդարմանը։ Իսկ ձմռանը սենյակում մշտապես տաք է, օդի խոնավությունն էլ՝ կայուն չոր։
Լավագույն ժամանակն է չոր խառնուրդների չորացման համար
Եթե որոշել եք պատերը հարդարել, ապա նախընտրելի է դա անել ձմռանը, քանի որ սենյակում օդն ավելի չոր է լինում, քան ամռանը։
Ծեփամածիկը, սվաղանյութն ու այլ խառնուրդներն ավելի արագ են չորանում, ինչը թույլ է տալիս շատ արագ անցնել վերջնական հարդարմանը։
Պետք է հետևել, որպեսզի սենյակային ջերմաստիճանը 55%-ից պակաս չլինի։
Տեսնո՞ւմ եք, թե որքան առավելություններ ունի ձմռանը վերանորոգում անելը։ Այնպես որ, այցելեք ՎԱԿ Գրուպ խանութ-սրահներ, ընտրեք լավագույն շինանյութն ու օգտվեք շահավետ վերանորոգում անելու հնարավորությունից։