Սպիտակ հատակը նորաձև է բոլոր ժամանակներում։ Ինչո՞ւ են դիզայներները նախապատվությունը տալիս սպիտակին։ Ահա պատասխանը՝ բնակարանում հարմարավետություն ու հանգստություն ստեղծելու համար։ Եվ չեն սխալվում․ գույնի հոգեբանության մեջ սպիտակը մաքրության, խաղաղության ու հանգստության խորհրդանիշն է։
Բացի այդ, սպիտակ հատակը՝
- Տեսողական առումով ընդլայնում է տարածությունը` ստեղծելով լուսավոր ու թեթև ինտերիեր։ Պատահական չէ, որ դիզայներներն այն կիրառում են ոչ արևկող ու լուսավորության պակաս ունեցող ինտերիերում։
- Օգնում է ազատվել սթրեսից, լցվել դրական ու լավատեսական մտքերով։
Ինտերիերում սպիտակ գույնը նախընտրելի է օգտագործել այլ գույների հետ, քանի որ բացառապես սպիտակ գույնի օգտագործումը ստեղծում է միապաղաղ ու սառը մթնոլորտ։
Սպիտակ հատակի թերությունները
- Չնայած սպիտակ հատակի վրա փոշին աննկատ է լինում, սակայն լաքաները, քերծվածքներն ու այլ վնասվածքները հնարավոր չէ թաքցնել։
- Պահանջում է հաճախակի խնամք ու մաքրություն
- Ամբողջովին մուգ գույնի ինտերիերի հետ չի համադրվում
Սպիտակ գույնի համադրությունն այլ գույների հետ
Բոլոր երանգները՝ սկսած բաց գույներից մինչև մուգ գույներ, հիանալի համադրվում են սպիտակի հետ։
Դասական է համարվում սպիտակի համադրությունը սև և կարմիր գույների հետ։ Օրինակ՝ հատակը կարող է լինել սպիտակ, պատերը՝ սև, իսկ կարմիրն օգտագործել որևէ դեկորի տեսքով։
Սպիտակի, նարնջագույնի կամ դեղինի համադրությունը ստեղծում է ներդաշնակ ու նրբաճաշակ ինտերիեր։
Մանուշակագույնի կամ կանաչի նուրբ երանգների համադրությունը սպիտակի հետ ստեղծում է մեղմ ու հանգիստ մթնոլորտ։
Յուրահատուկ է նաև սպիտակի օգտագործումը շագանակագույնի հետ։ Ստացվում է տաք, կաթնաշոկոլադային համադրություն, որն աչք չի ծակում, և հիանալի տարբերակ է դասական ինտերիեր ստեղծելու համար։
Դե ինչ, երբ արդեն գիտեք սպիտակ հատակի առավելություններն ու թերությունները, ձեզնից շատ բան չի պահանջվում։ Ընդամենը գրագետ մոտեցում, և արդյունքը կլինի գերազանց։
Սալիկների ու լամինատե հատակի ամենալայն տեսականին փնտրեք մեր խանութ-սրահներում։ Մեր մասնագետները կօգնեն կատարել լավագույն ընտրությունը։
