Santek-ը սանիտարական կերամիկա արտադրող ռուսական ամենահայտնի բրենդներից մեկն է, որի պատմությունը սկիզբ է առնում 1990-ական թվականներից։ Այդ ժամանակ Ռուսաստանի կառավարությունը կյանքի է կոչում արդյունաբերական զարգացման մի ծրագիր՝ շինանյութեր արտադրող գործարանների ստեղծմանը խրախուսելու և եվրոպական երկրներից ներմուծված ապրանքները տեղականով փոխարինելու համար։ Բազմաթիվ նախագծերից ընտրվում է Santek-ը, որի ստեծման տարեթիվը համարվում է 1995 թվականի սեպտեմբերի 17-ը, իսկ 1996 թականին կառուցվում է առաջին գործարանը՝ հագեցած եվրոպական ժամանակակից տեխնոլոգիաներով։ Արդեն 2003 թվականին կառուցվում է երկրորդ գործարանը։
Santek-ը պատկանում է «Կերամիկա» ընկերությանը, որը Ռուսաստանի Դաշնությունում ունի բարձր տեխնոլոգիաներով համալրված երկու հսկայական արդյունաբերական համալիրներ։ 2007 թվականից «Կերամիկա»-ն համարվում է Roca Գրուպի դուստր ձեռնարկություններից մեկը։
Roca-ն ամենաառաջատար ընկերություններից մեկն է լոգասենյակների մշակման, դիզայնի, արտադրման ու վաճառքի ոլորտում։ Santek-ն առաջիններից մեկն էր, որ սկսեց գործել Roca-ի՝ եվրոպական ստանդարտներին համապատասխան։
Santek-ն ունի սանիտարական կերամիկայի լայն ու բազմազան ընտրություն բնակարանների և հասարակական տարածքների համար՝ բաքով զուգարանակոնքեր, պատվանդաններով լվացարանակոնքեր, հասարակական զուգարաններ, կախովի զուգարանակոնքեր, բիդե, ինչպես նաև լվացարանակոնքերի լայն տեսականի։ Երբ ստեղծվում է արտադրական մյուս գործարանը, Santek-ը սկսում է համալրվել տարբեր ձևերի ու չափերի ակրիլային լոգարաններով։
Շնորհիվ լայն տեսականու՝ Santek-ի արտադրանքը նախատեսված է ինչպես տան, փոքր սանհանգույցների, այնպես էլ հյուրանոցային համարների ու հասարակական վայրերի համար։
Santek-ի արտադրանքը ենթարկվում է որակի խիստ հսկողության։ Դա սկսվում է պահեստում նյութերի ստացումից մինչև արտադրության բոլոր փուլերը։ Ամբողջ հումքը բաղկացած է թանկարժեք նյութերից և մշակվում է բարձր տեխնոլոգիական սարքավորումներով։
Ընկերության դիզայներներն ու մասնագետները ձգտում են, որպեսզի արտադրանքը լինի ոչ միայն գեղեցիկ, այլև որակյալ ու ֆունկցիոնալ։
Մասնագետները տարվա ընթացքում մի քանի անգամ վերապատրաստվում են Շվեյցարիայում, Լեհաստանում, Իսպանիայում, Չեխիայում և Պորտուգալիայում:
Santek-ը մշտապես ուշադրություն է դարձնում ժամանակակից սարքավորումների գործարկմանը։ Ավտոմատացված համակարգերը թույլ են տալիս մեծացնել արտադրանքի ծավալը նոր տեխնոլոգիական հնարավորությունների զարգացման շնորհիվ։
Santek-ի արտադրանքում օգտագործվում են էկոլոգիապես մաքուր նյութեր ու բաղադրիչներ, և որ ամենակարևորն է՝ պատրաստման գործընթացը բացասաբար չի անդրադառնում շրջակա միջավայրի վրա։
Santek ապրանքանիշի որակյալ արտադրանքը կարող եք գտնել ՎԱԿ Գրուպ խանութ-սրահներում։