Ներկերը լայն կիրառություն ունեն շինարարության, վերանորոգման և դիզայներական աշխատանքներում։ Գոյություն ունեն ներկերի, լաքերի բազմաթիվ տեսակներ, որոնցից յուրաքանչյուրն ունի իր կիրառման առաձնահատկությունը։
Առավել տարածված են ներկերի հետևյալ խմբերը՝
- Էմուլսիոն
- Ալկիդային
- Սոսնձային
- Սիլիկատային
Մեր այսօրվա հոդվածում կներկայացնենք այս խմբերին պատկանող ներկերից մի քանիսն ու դրանց օգտագործման առանձնահատկությունները։
Յուղաներկ (ալկիդային)
Յուղաներկը, որպես հարդարման նյութ, լայն տարածում ունի դեռևս վաղուց։ Այն նախատեսված է մետաղի, փայտի, բետոնի և գիպսի ներկման համար։
Յուղաներկը կարելի է օգտագործել դրսի ու ներսի նույնիսկ անմշակ պատերի ներկման համար, ունի հաճախակի լվանալու հնարավորություն, ինչպես նաև հուսալիորեն պաշտպանում է ներկված մակերեսը։ Այս ներկի լիարժեք չորացման համար պահանջվում է 24 ժամ։
Նիտրո ներկեր
Այս ներկը հայտնի է նաև նիտրոէմալ անվանումով։ Սա այն եզակի ներկերից է, որի չորացման համար երկար ժամանակ չի պահանջվում։ Նիտրո ներկերով պատված մակերեսները պատրաստ են շահագործման ընդամենը 30 րոպե հետո, իսկ լիարժեք չորացման համար անհրաժեշտ կլինի 2-3 ժամ։
Նիտրո ներկերի շնորհիվ հարդարման աշխատանքները լինում են առավել արդյունավետ։ Առանձնանում են նաև էսթետիկ տեսանկյունից՝ նույնիսկ մեկ շերտով պատելուց հետո մակերեսը լինում է փայլուն և հայելային հարթ։
Նիտրո ներկերը նախատեսված են ինչպես ներսի, այնպես էլ դրսի հարդարման համար։ Օգտագործվում են նաև բետոն, փայտ և մետաղ ներկելու համար։
Ջրաէմուլսիոն ներկեր (էմուլսիոն)
Վերանորոգման աշխատանքներում շատ կարևոր է էկոլոգիապես անվտանգ նյութերի օգտագործումը, դրանց երկարակյացությունը, օգտագործման պարզությունը և այլն։ Այդ իսկ պատճառով բարձրորակ յուղաներկերին զուգահեռ ժամանակի ընթացքում լայն կիրառություն են ստացել նաև ջրաէմուլսիոն ներկերը։
Էմուլսիոն ներկերն առանձնանում են իրենց էկոլոգիականությամբ, հրդեհակայունությամբ։ Հարմար են ցանկացած մակերեսի համար (բետոնե, փայտե և այլն)։
Ջրաէմուլսիոն ներկերը զերծ են սուր քիմիական հոտերից, իսկ ներկելուց հետո հոտը երկար չի պահպանվում։
ՎԱԿ Գրուպ խանութ-սրահների ցանցն առաջարկում է ջրաէմուլսիոն, նիտրո ներկերի, յուղաներկերի, գունաներկերի, փչովի ներկերի, դեկորատիվ ներկերի, նախահիմքերի, լաքերի լայն ու որակյալ տեսականի։ Բարձրորակ ներկերի շնորհիվ վերանորոգումը կլինի ոչ միայն գեղեցիկ, այլև կծառայի շատ երկար։