Վերջին տարիներին մուգ գույնի դռները լայն կիրառություն ունեն ինտերիերում։ Սակայն ոչ բոլորը գիտեն այն կարևոր առանձնահատկությունները, որոնք հաշվի առնելու դեպքում կստացվի ներդաշնակ ինտերիեր։

Մուգ գույնի դռների առավելությունները

  • Պրակտիկություն․ մուգ գույնը թաքցնում է կեղտը
  • Օգնում է ստեղծել ավելի շքեղ ինտերիեր
  • Հիանալի համադրվում է բաց գույների հետ
  • Ընդգծում է ինտերիերի ոճը

mug guyni drnern interierum
Չնայած այս առավելություններին՝ մուգ գույնի դռներն ունեն նաև թերություններ։
Առաջին հերթին գույնի դժվար ընկալումն է։ Ըստ հոգեբանների՝ մուգ գույները նրանց համար չեն, ովքեր ունեն նյարդային խնդիրներ և հաճախակի են ընկնում դեպրեսիայի մեջ։
Բացի այդ, վնասվածքները նկատելի են լինում, գույնի հաշվին տարածքն ավելի է փոքրանում և պահանջում է լավ լուսավորություն։ Եթե չի հաջողվում գրագետ մոտեցում ցուցաբերել, ստացվում է մռայլ ու ոչ ներդաշնակ ինտերիեր։

mug drner mug hatak

Ինչպես մուգ գույնի դռները համադրել պատերի հետ

Սև գույնի դռները համադրվում են սպիտակ պատերի ու մոխրագույն հատակի հետ։ Սա դիզայնի դասական տարբերակ է։

mug drner mug hatak

Վենգե գույնը կարելի է համադրել պաստելային գույների (մարմնագույն, դեղձագույն, բաց մոխրագույն) պաստառների հետ: Հատակը կարող է լինել նույն գույնի, ինչ դռներն են կամ լինել բաց շագանակագույն։

venge drner

Շագանակագույն դռները համադրվում են ձիթապտղի գույն ունեցող պատերի հետ։

shaganakaguyn drner

Սալորագույն և սմբուկի երանգ ունեցող դռները կարելի է համադրել նուրբ վարդագույն և մանուշակագույն երանգների հետ։

saloraguyn drner

Ինչպես մուգ գույնի դռները համադրել հատակի հետ

Ինտերիերը հարդարելիս անպայման պետք է հաշվի առնել դռների ու հատակի համադրությունը։

  • Եթե դռները մուգ են, ապա նախընտրելի է, որ հատակը կա՛մ բաց գույն ունենա, կա՛մ դռնից մի քանի երանգ ավելի մուգ լինի։
  • Մուգ գույնի դռների ու հատակի դեպքում առաստաղն ու պատերը պետք է լինեն բաց գույնի։

mug drner bac guyni pater

  • Խորհուրդ չի տրվում մուգ հատակի ու դռների համադրությունն օգտագործել ոչ ընդարձակ սենյակներում, այլապես սենյակը կդառնա մռայլ։
  • Պետք է հաշվի առնել նաև սենյակի լուսավորությունը ու նաև այն, թե ինչպես են համադրվում այս կամ այն իրերը (օրինակ՝ դռների համադրությունը կահույքի, շրիշակների հետ և այլն)։

Ինչպես տեսանք, դռներ ընտրելն այնքան էլ հեշտ գործ չէ։ Այնպես որ, նախապես դիմեք մասնագետների օգնությանը, որոնք ճիշտ կուղղորդեն Ձեզ այս հարցում։