Հաճախ ասում են, որ խոհանոցը տան սիրտն է: Ցանկանու՞մ եք, որ Ձեր լվացարանը լինի նորաձև ու միևնույն ժամանակ դիմացկուն և պահպանի ֆունկցիոնալությունը երկար տարիներ օգտագործելուց հետո:
Գոյություն ունեն խոհանոցային լվացարանների տարատեսակ ձևեր և չափեր, այդ իսկ պատճառով ճիշտ լվացարան ընտրելը կարող է դառնալ իսկական գլխացավանք` հաշվի առնելով հսկայական տեսականին: Այնպես որ ճիշտ ընտրություն կատարելու համար Ձեզ անհրաժեշտ են համապատասխան գիտելիքներ:
Ներկայացնում ենք մի քանի օգտակար խորհուրդներ այն մասին, թե ինչպես ճիշտ ընտրել խոհանոցի լվացարան:
Հասկանում ենք տարբեր լվացարանների կառուցվածքները
Կարևոր է իմանալ, թե ինչպիսի լվացարանի կարիք ունեք և ինչպես եք ծրագրում օգտագործել Ձեր լվացարանը, որպեսզի հեշտությամբ կարողանաք գտնել այն ձևն ու կառուցվածքը, որն ամենաշատը կհամապատասխանի Ձեր ցանկություններին: Դուք կարող եք ընտրել ավանդական, մեկտեղանոց, մեծ ուղղանկյուն լվացարան, կամ երկտեղանոց լվացարան, որը կունենա երկու հավասար կողմեր, որն իդեալական է ընտանիքում օգտագործելու համար։ Պետք է ընտրել այնպիսի լվացարան, որտեղ հարմար կլինի լվանալ ձեռքերը, հարմար կլինի սննդի լվացման և պատրաստման համար: Նշենք նաև, որ երկտեղանի լվացարանը, որի մի կողմը շատ ավելի փոքր է, հարմար է աղբն այդ մասում կուտակելու համար: Առկա տեսակների և կառուցվածքի մասին տեղեկացված լինելը Ձեզ կօգնի ընտրել լավագույն տարբերակը, որը կբավարարի Ձեր պահանջները:
Որոշեք քանի տեղանոց լվացարան է Ձեզ պետք
Լինում են մեկտեղանի, երկտեղանի և եռակողմ լվացարաններ: Դրանք կարող են լինել խորը կամ ոչ այնքան խորը, կամ դրանց համադրությունը: Մեկտեղանի լվացարանը իդեալական է ամաններ լվանալու համար և հիմնական օգտագործման համար, մինչդեռ երկտեղանի կամ եռակողմ լվացարանը բազմաֆունկցիոնալ է: Այս տարբերակը կհետաքրքրի նրանց, ովքեր խոհանոցից ունեն առավելագույն սպասելիքներ և մշտապես պատրաստում են ուտելիք:
Ընտրեք ձևն ու չափը
Ձեր խոհանոցի չափերով են պայմանավորված լվացարանի չափերը: Անպայման չափեք այն տարածությունը, որտեղ պետք է տեղադրեք Ձեր լվացարանը, որպեսզի համոզված լինեք, որ չափը կհամապատասխանի Ձեր պահարանին:
Ինչպես տեղադրել խոհանոցի լվացարանը
Այն, թե ինչպես կտեղադրվի լվացարանը մեծապես կազդի դրա գործառույթների և տեսքի վրա: Կան խորը տեղավորվող լվացարաններ և բարձր «նստող» լվացարաններ, որոնց եզրերը ակնհայտորեն բարձր կլինեն պահարանից: Կան նաև ցածր «նստող» և ընկղմված լվացարաններ, որոնք ձուլվում են պահարանի վերնամասի հետ: Այս ոճն առաջարկում է գերհիգիենիկ տարբերակ, որը նաև կապահովի շքեղ տեսք:
Ձեր տան համար կատարյալ լվացարան գտնելը դարձրեք հաճելի գործընթաց: Վերոհիշյալ խորհուրդները կօգնեն Ձեզ կատարել ճիշտ ընտրություն:
