Լոգասենյակը հարդարելիս կանգնում ենք ընտրության առջև՝ ո՞րն ընտրել։ Այս ամենը պարզելու համար առաջին հերթին պետք է իմանալ լոգարանի տեսակներն ու ծանոթանալ դրանց առանձնահատկություններին։
Ժամանակակից շուկայում լոգարանների բազմազանությունն ընտրության լայն հնարավորություն է տալիս գնորդներին։
Այսօր կխոսենք լոգարանի տեսակների ու առանձնահատկությունների մասին, որոնք կօգնեն գրագետ ու ճիշտ ընտրություն կատարել։
Լոգարանի ընտրության կարևոր չափանիշներից մեկը պատրաստման նյութն է։ Պակաս կարևոր չեն նաև ձևը, չափերը, պատերի հաստությունը, որակը, ծածկույթը։
Ըստ պատրաստման նյութի՝ լոգարանները լինում են՝ չուգունե, պողպատյա, ակրիլային, կերամիկական, քարե և այլն։
Չուգունե լոգարան
Սա լոգարանի ամենահին տեսակն է, որի պատրաստման համար որպես հումք ծառայում է ձուլվող չուգունը։ Առավելություններից մեկն այն է, որ երկար ժամանակ պահպանում է ջրի ջերմությունը, երկարադիմացկուն է, սակայն պետք է նշել, որ էմալը բավականին շուտ է թափվում ու կորցնում է իր նախկին տեսքը։
Պողպատյա լոգարան
Պողպատյա լոգարանների պատրաստման համար օգտագործվում է աղմուկը կլանող հատուկ նյութ, որպեսզի ջրի շիթի ազդեցությունից մետաղը չզրնգա:
Պողպատյա լոգարանն առանձնանում է ցածր քաշով, ժամանակի ընթացքում չի ենթարկվում քերծվածքների։
Ակրիլային լոգարան
Ակրիլային լոգարանները պատրաստվում են լիթիումային ակրիլից։ Ցածր ջերմահաղորդականության շնորհիվ երկար ժամանակ պահպանում են ջրի ջերմությունը, երկարադիմացկուն են, ծառայում են բավականաչափ երկար։ Բացի այդ, ակրիլային լոգարաններն ապահովում են ջրի ձայնամեկուսացումը, թեթև են, հարմարավետ, ունեն գույնի ու ձևի ընտրության հնարավորություն։
Կերամիկական, քարե լոգարան
Կերամիկական լոգարանները պահպանում են ջերմությունը, անաղմուկ են, չեն ժանգոտվում ու ենթարկվում մեխանիկական ազդեցությունների։ Այս ամենի հետ մեկտեղ նաև նուրբ են, ինչն էլ մեծ ուշադրություն և խնամք է պահանջում։ Պատրաստվում են ինչպես բնական (օրինակ` մարմար), այնպես էլ արհեստական քարերից։
Բացի պատրաստման նյութից, լոգարանները տարբերվում են իրենց գործառույթներով։ Ըստ դրա՝ տարբերակվում են հիդրոմերսող, աերոմերսող և տուրբոմերսող լոգարաններ, որոնք բացի լոգանք ընդունելուց, նաև մերսման հնարավորություն են տալիս։
- Հիդրոմերսման դեպքում հզոր ջրային պոմպերի միջոցով ջրի շիթերը ցայտում են հատուկ անցքերի միջով։ Կարելի է կառավարել ջրի ուղղությունը՝ անհրաժեշտության դեպքում փոփոխելով։
- Աերոմերսումը թեթև մերսումն է, որի դեպքում օդի պղպջակները մերսում են մարմինն ու հանգստացնում։
- Տուրբոմերսող լոգարանը հիդրո և աերոմերսող լոգարանների համադրությունն է։ Մարմինը մերսվում է միաժամանակ ջրի շիթերի և օդային պղպջակների միջոցով։
ՎԱԿ Գրուպ խանութ-սրահներում ներկայացված բարձրորակ լոգարանները կօգնեն ունենալ ոչ միան գեղեցիկ ու նորաձև, այլև գերհարմարավետ լոգասենյակներ։