Բնակարանը վերանորոգելիս ամենակարևոր հարցերից մեկը հատակի ծածկույթի ընտրությունն է։ Ծածկույթների տեսականու բազմազանության մեջ ճիշտ կողմնորոշվելն ու ընտրություն կատարելն այնքան էլ հեշտ չէ։
Այսօր կխոսենք երկու ամենատարածված ծածկույթների մի քանի տարբերությունների մասին, ինչը փոքր-ինչ կհեշտացնի Ձեր ընտրությունը։

Լինոլեում

Սա սինթետիկ հատակի ծածկույթ է՝ պատրաստված պոլիվինիլքլորիդից՝ բոլորիս հայտնի ՊՎՔ-ից։ Լինում է երեք տեսակի՝ կենցաղային, կիսակոմերցիոն և կոմերցիոն, որոնցից յուրաքանչյուրն, ըստ տարածքային նշանակության, ունի տարբեր հաստություններ ու դիմացկունություն։
linoleum

Լամինատ

Լամինատը բաղկացած է մի քանի շերտից, դասակարգվում է ըստ կարգերի, որոնցից կախված է որակն ու տարածքային կիրառությունը։
Լամինատի առանձնահատկությունների մասին մանրամասն կարող եք կարդալ «Լամինատե հատակներ․ կառուցվածքն ու առանձնահատկությունները» հոդվածում։

laminat

Իսկ հիմա անցնենք լինոլեումի ու լամինատի օգտագործման առանձնահատկություններին՝

Տեղադրում

Երկու ծածկույթներն էլ տեղադրելու համար հատուկ ջանքեր չեն պահանջում։ Լինոլեումը կատարում է գորգի դեր, ուստի այն սենյակում տեղադրելը չափազանց հեշտ է։ Ընդամենը պետք է ամրացնել շրիշակներն, ու սենյակը կարելի է արդեն շահագործել։ Լամինատի տեղադրումը, սակայն, որոշակի հմտություն է պահանջում, ինչը հնարավոր է անել նաև ինքնուրույն կամ վստահել մասնագետներին, որոնք կապահովեն գերազանց արդյունք։

Հարվածակայունություն

Ի տարբերություն լինոլեումի՝ բարձր կարգի լամինատն ավելի երկարադիմացկուն է, քանի որ «չի վախենում» քերծվածքներից ու հարվածներից։

Խոնավակայունություն

Ե՛վ լինոլեումը, և՛ լամինատը խոնավադիմացկուն են։ Գոյությունն ունեն լամինատի ջրակայուն տեսակներ, որոնք չեն փչանում նույնիսկ ջուր թափվելու դեպքում։

Մաքրություն և խնամք

Լամինատի մաքրությունն ավելի հեշտ է, քանի որ չի ներծծում կեղտը։ Մինչդեռ լինոլեումը պետք է լավ տրորել կեղտը հեռացնելու համար։
Սակայն լամինատն առավել նուրբ խնամք է պահանջում, որն է՝ թեթևակի խոնավ կտորով մաքրումը։

Էսթետիկություն

Այս առումով լամինատն անփոխարինելի է։ Շնորհիվ նախշերի ու գույների բազմազանության՝ յուրաքանչյուր սենյակ ունենում է ինտերիերին համապատասխան հատակի ծածկույթ։

Դե ինչ, կարդացեք, եղեք տեղեկացված ու կատարեք Ձեր ընտրությունը։