Բնակարանը վերանորոգելիս, երբ հերթը հասնում է հատակի հարդարմանը, սովորաբար ընտրությունը կանգ է առնում լամինատե հատակի վրա։ Այն պակաս գեղեցիկ ու որակյալ չէ, որքան մանրահատակը, ծառայում է երկար և ավելի մատչելի է՝ ի տարբերություն մանրահատակի։
Ի՞նչ կառուցվածք ունի լամինատը, որո՞նք են առանձնահատկությունները և ինչպե՞ս ընտրություն կատարել․ ահա այս մասին կխոսենք մեր այսօրվա հոդվածում։

Լամինատը բազմաշերտ ծածկույթ է, որի պատրաստման համար որպես հումք ծառայում է փայտաթելային սալը։ Այն պատրաստվում է սեղմման եղանակով, ինչի շնորհիվ էլ կարողանում է դիմակայել ճնշմանը:
Լամինատները միմյանցից տարբերվում են ոչ միայն դիզայնով, գույնով ու տարածքային նշանակությամբ, այլև իրենց կառուցվածքով։ Ըստ կառուցվածքի լինում են՝ փայլուն, անփայլ և տեքստուրային։ Բացի այդ, գոյություն ունեն բազմատեսակ նախշերով ու ձևի բազմազանությամբ լամինատներ, որոնք ընտրության մեծ հնարավորություն են տալիս գնորդին։
Բացի դիզայնից, գոյություն ունեն նաև տարբեր շարվածքներով ծածկույթներ, որոնք տարբերվում են միմյանցից տեղադրման առանձնահատկություններով։ Շարվածքի ճիշտ ընտրությամբ է պայմանավորված հատակի տեսքը։

հատակի ծածկույթներ

Լամինատի կառուցվածքը

Լամինատը բաղկացած է մի քանի շերտից՝

Կայունացնող շերտը նպաստում է լամինատի ամրությանը, այն դարձնում է մաշվածակայուն ու պաշտպանում դեֆորմացիայից։

Հիմնական շերտով է պայմանավորված լամինատի որակը։ Այս փայտային խտանյութը նպաստում է լամինատի երկարակեցությանը։

Դեկորատիվ շերտ
Դեկորատիվ շերտն ապահովում է արտաքին տեսքը։ Շնորհիվ նախշերի բազմազանության՝ կարելի է ընտրություն կատարել ցանկացած տարածքի համար։

Պաշտպանիչ շերտ
Այս շերտի շնորհիվ լամինատը պաշտպանվում է քերծվածքներից ու վնասվածքներից։ Որքան հաստ է, այնքան լամինատի կարգը բարձր է, հետևաբար մաշվածակայուն ու երկարադիմացկուն է։

լամինատե հատակներ

Լամինատի կարգը

Գոյություն ունեն լամինատի մի քանի կարգեր, որոնցից յուրաքանչյուրն ունի իր նշանակությունը՝
21, 22, 23 – այս կարգի լամինատները կիրառվում են այնպիսի տարածքներում, որտեղ չկա մարդկանց մեծ հոսք և խոնավություն։
31 կարգի լամինատները նախատեսված են բնակարանների համար։ Սակայն մասնագետները խորհուրդ են տալիս նախապատվությունը տալ 32 կամ 33 կարգերին, որոնք առանձնանում են իրենց բարձր որակով և ամրությամբ։
34 կարգի լամինատն առանձնանում է ջրակայունությամբ և բարձր մաշվածակայունությամբ։ Այս կարգն օգտագործվում է հիվանդանոցներում, կոնֆերանսների սրահներում և այլն։

լամինատե հատակ

Ընտրում ենք լամինատ

Արդեն գիտեք, թե որոնք են լամինատի առանձնահատկություները, ուստի ընտրելիս անպայման հաշվի առեք`

  • լամինատի կարգը
  • տախտակի հաստությունը
  • տակդիրի որակը
  • մաշվածակայունության աստիճանը
  • ջրակայունությունը

Լամինատն ընտրելիս մի մոռացեք դրա տակ դրվող տակդիրիր մասին, որն ապահովում է՝

  • Հատակի ձայնամեկուսացումը
  • Մակերևույթի հարթեցումը
  • Ջրամեկուսացումը

Լամինատե հատակ ընտրելիս շատերը կարծում են, որ այն խնամքի կարիք չունի, մինչդեռ խնամքը պարտադիր է, բայց միևնույն ժամանակ շատ հեշտ: Բավական է մաքրել խոնավ կտորով կամ խնամքի համար նախատեսված նյութերով:

հատակի-ծածկույթներ-ՎԱԿ-Գրուպ

Ընտրություն կատարելը հեշտ է, երբ ձեր կողքին է ՎԱԿ Գրուպ խանութների ցանցը նորաոճ, որակյալ ու մատչելի լամինատե հատակների լայն ու բազմազան տեսականիով։

ՎԱԿ, երբ ընտրություն կատարելը չափազանց հեշտ է։