Ջեռուցումը հարմարավետ տուն ունենալու կարևոր բաղադրիչներից մեկն է։ Իսկ դա կարելի է ապահովել ժամանակակից ջերմամեկուսիչ նյութերի շնորհիվ։
Գոյություն ունեն բազմաթիվ տեսակներ, որոնցից յուրաքանչյուրն ունի իր առավելություններն ու թերությունները։
Ջերմամեկուսիչի ամենակարևոր հատկանիշներից մեկը ջերմահաղորդականությունն է, որը ցույց է տալիս, թե որքան ջերմություն կարող է անցնել տվյալ նյութի միջոցով։ Դրանց բնորոշ է ցածր ջերմահաղորդականությունը, ինչի շնորհիվ ջերմությունը պահպանվում է տվյալ տարածքում։
Ջերմամեկուսիչ նյութերն իրենց կազմությամբ լինում են կոշտ, ճկուն, սորուն կամ թելքավոր։ Իսկ ըստ հումքի՝ օրգանական և անօրգանական։
Առաջարկում ենք ծանոթանալ դրանցից մի քանիսին ու վերջիններիս առանձնահատկություններին։
Հանքային բամբակը մանրաթելային նյութ է, որը շինանյութի շուկայում գոյություն ունի դեռևս շատ վաղուց։ Դրա պատրաստման համար որպես հումք ծառայում են բազալտը, դոլոմիտը, մետաղախարամը և այլն։
Հանքային բամբակի առավելություններն են՝ խոնավադիմացկունությունն ու հրակայունությունը, ջերմության պահպանումը նույնիսկ սառնամանիքի ժամանակ, ամրությունը, էկոլոգիապես մաքուր լինելը, հեշտ տեղադրումն ու երկարակեցությունը։ Բացի այդ, այն հիանալի ձայնամեկուսիչ է, որը նույնպես պակաս կարևոր հատկանիշ չէ։
Ապակե բամբակը թելիկավոր նյութ է, որն օգտագործվում է խողովակների, տանիքների, առաստաղների, պատերի ու հատակի ջերմամեկուսացումն ու ձայնամեկուսացումն ապահովելու համար։ Այն ջրակայուն է, հրդեհադիմացկուն և ծառայում է բավականին երկար։
Պենոպլեքսը կիրառվում է կառույցների ներքին ու արտաքին ջերմամեկուսացման համար։ Առավելություններից է ամրությունն ու կայուն ջերմաստիճանը, որի շնորհիվ անգամ բարձր ճնշման դեպքում չի ենթարկվում դեֆորմացիայի։
Փրփրապլաստն ամենատարածված ու մատչելի ջերմամեկուսացնող նյութերից մեկն է։ Այս նյութը հաճախ է կիրառվում ինչպես բնակելի, այնպես էլ արդյունաբերական նշանակություն ունեցող շենքերի ջերմամեկուսացման համար։
Առավելություններն են՝ օգտագործման պարզությունը, ունիվերսալությունը և էկոլոգիապես անվտանգ լինելը։
Յուրաքանչյուր ջերմամեկուսիչ պետք է կարողանա դիմակայել ջերմային տատանումներին, լինի խոնավակայուն, ջրակայուն, հրակայուն, ամուր ու ծակոտկեն։
Որակյալ ու մատչելի ջերմամեկուսիչ նյութերի լայն տեսականուն կարող եք ծանոթանալ ՎԱԿ Գրուպ խանութ-սրահներում, որտեղ մեր խորհրդատու-վաճառողների օգնությամբ կընտրվեն Ձեր նախընտրած տարածքի համար անհրաժեշտ ճիշտ ջերմամեկուսիչներ։