Ջահերը մեծ դեր ունեն ինտերիերի հարդարման գործում։ Դրանց միջոցով հնարավոր է ընդգծել ոճն ու ամենահասարակ սենյակը դարձնել շքեղ ու նրբաճաշակ։
Սակայն ջահ ընտրելն այնքան էլ հեշտ չէ, որքան թվում է առաջին հայացքից, քանի որ շուկան լի է տարբեր ոճի ու ձևի ջահերով։
Այս հոդվածում կփորձենք պարզել, թե ինչ կարևոր չափանիշներ պետք է հաշվի առնել ջահ ընտրելիս։
Ոճը
Ջահը պետք է ընտրել ինտերիերի ոճին համապատասխան՝ հաշվի առնելով սենյակի չափերը, ձևն ու գույները։
Սենյակի չափերը
Ջահ ընտրելիս անպայմանորեն պետք է ուշադրություն դարձնել սենյակի չափերին։ Եթե սենյակը փոքր է, ապա պետք է ընտրել փոքր, իսկ մեծ սենյակի դեպքում համապատասխանաբար ավելի մեծ ջահ։ Դրանով է պայմանավորված սենյակի ճիշտ և հավասարաչափ լուսավորությունը։
Ընտրելիս պետք է հաշվի առնել առաստաղի բարձրությունը, ջահի տրամագիծը: Օրինակ՝ բարձր առաստաղով բնակարաններում կարելի է օգտագործել կախովի ջահեր՝ տարածքի ընդարձակությունը լրացնելու համար։
Ջահի տեսակը
Գոյություն ունի ջահերի երկու տեսակ՝ առաստաղային և կախովի։
Կախովի ջահերն օգտագործվում են ընդհանուր լուսավորության համար։ Դրանք առաստաղին ամրանում են լարի կամ շղթայի միջոցով։ Այս տեսակի ջահերը մինչ օրս լայն կիրառություն ունեն և հարմար են ցանկացած սենյակի համար։
Առաստաղային ջահերը շատ հարմար են ոչ մեծ սենյակների համար։ Դրանք ամրանում են անմիջապես առաստաղին։ Ի տարբերություն կախովի ջահերի՝ սրանք համեմատաբար թույլ լուսավորություն են ապահովում։
Լամպի տեսակ
Ջահ ընտրելիս շատ կարևոր է նաև հաշվի առնել լամպի հզորությունը։ Ըստ լուսավորության աստիճանի՝ պետք է կողմնորոշվել, թե քանի ջահ է հարկավոր սենյակում և արդյոք այն լրացուցիչ լուսավորման կարիք ունի։
Տեխնիկական բնութագիր
- Էներգիայի ծախս
- Միացման ռեժիմ
- Լուսավորության հզորության կառավարում
Ահա, թե որոնք են ամենապարզ քայլերը ճիշտ ընտրություն կատարելու համար։ Իսկ եթե փնտրում եք գեղեցիկ ու որակյալ ջահեր, ապա ՎԱԿ Գրուպ խանութ-սրահներում առկա լայն տեսականին կօգնի հեշտ և արդյունավետ որոշում կայացնել։
ՎԱԿ, երբ ընտրությունը հաճելի է։