Վերանորոգման ու շինարարական աշխատանքների ժամանակ վարպետներին օգնության են գալիս էլեկտրական գործիքները, որոնք բարձրացնում են աշխատանքային արդյունավետությունն ու խնայում ժամանակը։ Իսկ ինչպես օգտագործել էլեկտրական գործիքները, որպեսզի երկար ծառայեն, կպարզենք մեր այսօրվա հոդվածում։

Աշխատանքի առանձնահատկությունները

Ցանկացած գործիք ունի համապատասխան փաստաթուղթ, որտեղ կարող եք գտնել օգտագործման ցուցումները։ Ցավոք, բոլորը չէ, որ հետևում են այդ կանոններին, և արդյունքում ժամանակից շուտ փչանում է գործիքը։ Եվ դա դեռ ամենը չէ․ սխալ օգտագործման հետևանքով լինում են նաև տարբեր ծանրության վնասվածքներ։

Եվ այսպես, ի՞նչ պետք է իմանալ նախքան գործիքն օգտագործելը։

Էլեկտրասնում

Փաստաթղթերում անպայման նշված է լինում, թե ինչ լարման դեպքում կարելի է օգտագործել այս կամ այն գործիքը բոլոր հնարավոր խնդիրներից խուսափելու համար։

Ճիշտ օգտագործում

Յուրաքանչյուր գործիք նախատեսված է որոշակի տեսակի աշխատանքներ կատարելու համար։ Օրինակ՝ չի կարելի բետոնե պատի մեջ անցքեր փորելու համար օգտագործել գայլիկոն (дрель), եթե նմանատիպ աշխատանքների համար նախատեսված է հորատիչը։

գործիքներ-Bosch

Աշխատանքի անվտանգություն

Կան գործիքներ, որոնք օգտագործելիս պետք է կրել հատուկ ակնոց։ Մի անտեսեք սա, թեկուզ մի քանի րոպե աշխատելու դեպքում։ Արդյունքում պատահականորեն աչքի մեջ ընկած տաշեղը կարող է հանգեցնել լուրջ վնասվածքների։

Մի մոռացեք գործիքով աշխատելուց անմիջապես հետո լարն անջատել վարդակից։

գործիքներ

Ի՞նչ անել գործիքի փչանալու դեպքում

Եթե ունեք հմտություններ, ապա կարող եք ինքնուրույն վերանորոգել գործքիը, սակայն ցանկալի է դիմել մասնագետներին, որոնք նման գործիքներով աշխատելու և վերանորոգելու փորձ ունեն։

Ինչպե՞ս պահպանել գործիքները

Դրանք ցանկալի է պահել արկղերում կամ հատուկ ճամպրուկներում՝ նախատեսված գործիքների համար։ Իսկ ձմռանը գործիքները չի կարելի թողնել չջեռուցվող, խոնավ ու ցուրտ սենյակներում։

Bosch-գործիքներ

Ահա այն պարզ քայլերը, որոնց հետևելու դեպքում կխուսափեք ավելորդ խնդիրներից, իսկ գործիքները կծառայեն շատ ավելի երկար, քան հնարավոր է պատկերացնել։