Վերջին տարիներին ակրիլը սանտեխնիկայի ոլորտում ամենաառաջատար նյութերից մեկն է։ Պատճառները բազմաթիվ են՝ թեթև քաշ, ամրություն, մաշվածակայունություն, գեղեցիկ տեսք, դիզայնի հետաքրքիր լուծումներ, բարձր ջերմամեմուսացում, ինչի շնորհիվ ջուրը շատ դանդաղ է սառչում։ Եվ ամենակարևորը՝ հատուկ խնամք չի պահանջում։ Սա չի նշանակում, որ խնամքը պետք է բացառել։ Ավելին՝ պետք է խնամել ճիշտ՝ հետևելով բոլոր կանոններին։
Ակրիլային լոգարանների խնամքի ամենակարևոր պայմաններից մեկն ամենօրյա մաքրությունն է։ Եվ որպեսզի լոգարանը չկորցնի իր փայլը, այն հարկավոր է մաքրել հատուկ միջոցներով, իսկ եթե ձեռքի տակ չունեք, ապա հետևեք այս խորհուրդներին։
Ամենօրյա խնամք
Լոգարանի ամենօրյա խնամքը շատ պարզ է և նույնիսկ մաքրող միջոցների անհրաժեշտություն չկա։ Ընդամենը պետք է լոգանք ընդունելուց հետո այն օճառապատ սպունգով սրբել, ապա պարզաջրել տաք ջրով։
Եթե այդ գործընթացը կատարվի պարբերաբար, ապա լոգարանը զերծ կլինի ժանգի կամ կրային նստվածքի առաջացումից։
Ի՞նչ անել ժանգը, կրային նստվածքը կամ լաքաները վերացնելու համար
Եթե արդեն բախվել եք այս խնդրին, ապա առաջարկում ենք մի քանի արդյունավետ մեթոդ։
- Կրային նստվածքը կարելի է հեռացնել կիտրոնի հյութով կամ կիտրոնաթթվով։
Տաք ջրով լի տարայի մեջ լցնում ենք կիտրոնահյութը (50-100 գր), լոգարանը սրբում ենք այդ լուծույթով, 2-3 ժամ թողնում ենք, ապա պարզաջրում մաքուր ջրով։ - Կրային նստվածքի հաստ շերտը կարելի է վերացնել սոդայի ու քացախի լուծույթով։ Սկզբում շաղ ենք տալիս սոդայի լուծույթը (պատրաստում ենք 1 լ ջուր և 100 գր սոդա հարաբերությամբ), իսկ հետո քացախի լուծույթը ( 1լ 9 % քացախ և 1լ ջուր հարաբերությամբ)։ 5-10 րոպե թողնելուց հետո լվանում ենք տաք ջրով։
- Դեղին հետքերն ու ժանգը կարելի է մաքրել կերակրի սոդայով, ջրածնի պերօքսիդի և անուշադրի սպիրտի լուծույթներով։
Դրանք ջրով բացելուց հետո տարածում ենք կեղտոտ հատվածների վրա, ապա 15 րոպե թողնելուց հետո լվանում ենք։
Դե ինչ, հետևեք վերը նշված խորհուրդներին, և լոգարանի մաքրությունն ավելորդ ժամանակ ու ջանքեր չի պահանջի։