Կախովի առաստաղը ժամանակակից ինտերիերի կարևոր բաղադրիչներից մեկն է։ Այն հնարավորություն է տալիս ունենալու ոչ միայն առաստաղային, այլև լուսային գեղեցիկ լուծումներ։
Առաջարկում ենք հետևել այս խորհուրդներին ու մոտեցումներին՝ խոհանոցում լուսավորության հետաքրքիր լուծումներ ստանալու համար։
Գաղտնիք չէ, որ խոհանոցում ավելի, քան որևէ այլ սենյակում լավ լուսավորությունը պարտադիր է։ Ահա, թե ինչու՝
- Պատրաստելու գոտու համար
- Առաստաղի դիզայնն ընդգծելու համար
- Պատրաստելու և ճաշելու գոտիներն առանձնացնելու համար
- Տեսողական առումով սենյակի չափերը մեծացնելու համար
Իսկ այժմ եկեք պարզենք, թե ինչպիսին կարող է լինել լուսային դիզայնը կախովի առաստաղների դեպքում։
- Ընդհանուր – սենյակը լուսավորում է հավասարաչափ
- Ակցենտային – լուսավորում է միայն մեկ ուղղությամբ
- Դեկորատիվ – լուսավորում է ճաշասեղանի հատվածը՝ ստեղծելով հանգիստ զրուցելու մթնոլորտ
Ընտրում ենք լուսավորման ձևերը
Ջահեր
Ջահն ապահովում է սենյակի ընդհանուր լուսավորությունը։ Սակայն այն այդքան էլ տեղին չի լինի օգտագործել փոքր և ցածր առաստաղ ունեցող խոհանոցներում։
Լուսամփոփներ
Կախովի լուսամփոփի օգնությամբ կարելի է ստեղծել ակցենտային ու դեկորատիվ լուսավորություն։ Սա կարելի է կիրառել միմիայն մեծ կամ միջին չափի բարձր առաստաղով խոհանոցներում։
Լուսամփոփը կարելի է համադրել կետային լուսավորության հետ, իսկ ջահերի հետ՝ միայն մեծ խոհանոցներում։
Կետային լուսավորություն
Կետային ջահերը կարող են լինել ներկառուցված կամ կախովի։ Դրանք ապահովում են ընդհանուր հավասարաչափ կամ ակցենտային լուսավորությունը ցանկացած սենյակում։
- Լինում են տարբեր չափի, գույնի ու ձևի
- Տեսողական առումով ընդարձակում են սենյակը
- Համապատասխանում են ինտերիերի տարբեր ոճերին իրենց մինիմալիզմով
- Առանձնացնում են խոհանոցային գոտիները
Լուսադիոդային լուսավորություն
Լուսադիոդային լամպերը գունային հետաքրքիր լուծումների հնարավորություն են տալիս։ Բացի այդ, դրանց շնորհիվ կարելի է ստեղծել «սավառնող» լուսավորություն։
Առաստաղային լուսավորություն
Յուրահատուկ ինտերիեր պատկերային լուսավորության միջոցով։ Ո՞վ կհրաժարվի աստղային երկնքի տակ նստած ընթրիքը վայելելու հնարավորությունից։
Տեսնո՞ւմ եք, թե կախովի առաստաղները լուսավորության որքան լայն հնարավորություններ են տալիս։ Սակայն լուսավորությունն ընտրելիս մի մոռացեք սենյակի չափերի ու առաստաղի բարձրության մասին։