Լոգասենյակի դիզայնը պահանջում է հատուկ ուշադրություն, դետալների ճիշտ ընտրություն: Եթե այս տարի պատրաստվում եք վերանորոգել ձեր լոգասենյակը, ապա ծանոթացեք տարվա թրենդերին և ստեղծեք Ձեր հարմարավատ և նորաձև լոգասենյակը:
1. Սև գույն
Անցած մի քանի տարիների ընթացքում լոգասենյակում սպիտակից բացի սկսեցին տեղ գտնել նաև այլ գույներ: Գույները ավելի ու ավելի հաճախ են օգտագործվում ինտերիերում՝ սանհանգույցի ոճն ու անհատականությունն ընդգծելու համար:
Այս տարի սև գույնը նույնպես այդ գույների շարքում է. տարբերվող ու անչափ հետաքրքիր:
2. Բնական երանգներ
Վերջերս լոգասենյակի պարագաներ արտադրող ընկերությունները ավելի ու ավելի շատ են կիրառում սպիտակին այլընտրանքային գույներ՝ բեժ, մարգարտյա և սուրճի երանգներ. 2020 թ.-ին Բիրմինգհեմում կայացած KBB ցուցահանդեսի ժամանակ հիմնականում ներկայացված էին հենց այդ գույների ապրանքներ:
3. Շերտավոր նախշեր
Շերտավոր և ալիքավոր նախշերը վերջին երկու տարիներին բավականին թրենդային են: Դրանք կիրառվում են կահույքից մինչև ապակու և պատի մակերեսների համար. անմասն չմնացին նաև լոգասենյակի դետալները: Թրենդը տարածվեց նաև լոգասենյակի վրա և վստահաբար դեռ իր կիրառությունը կշարունակի ունենալ նաև առաջիկա տարիներին:
4. Նոր դասականը
Ինչպես ասում են՝ «լավագույն նորը» լավ մոռացված հինն է:
Այս տարի անչափ թրենդային են դասական ոճի մերօրյա լուծումներով ապրանքները, որոնք համատեղում է դասական էլեգանտությունը ժամանակակից դետալների հետ:
5. Ճարտարապետական ընդգծված տարրեր
Ուժեղ, մաքուր, պարզ ճարտարապետական գծերի լայն կիրառությունը՝ ոգեշնչված 1920-1930-ականների ինտերիերի արդյունաբերական և մոդեռնիստական ոճերից, մեր օրերում էլ դեռ պահպանում է իր կիրառությունը: Այս ոճը նույնպես 2021թ.-ի թրենդերի շարքում է:
Ահա լոգասենյակի նախագծման 5 հետաքիքիր թրենդերը, որոնք 2021 թվականին լայն կիրառություն կգտնեն: