Գաղտնիք չէ, որ լոգասենյակի կահույքի ընտրությունը պահանջում է հատուկ ուշադրություն։ Ինչու՞: Պատճառները շատ են, բայց դիտարկենք հիմնականները՝
- լոգասենյակում կա մշտական բարձր խոնավություն
- ջերմաստիճանի տատանումներ
- հիմնականում զբաղեցնում է փոքր տարածք։
Այդ պատճառով էլ լոգասենյակի կահույքի ընտրությունն այնքան էլ հեշտ գործ չէ։
Իսկ ինչի՞ց սկսել: Նախ պետք է հաշվի առնել լոգասենյակի չափերը։ Եթե այն մեծ է, ապա կունենա նաև պատուհան և օդափոխիչ, ինչի շնորհիվ խոնավությունը երկար չի մնա, և այս դեպքում հիանալի լուծում կլինի փայտե կահույքը։ Փոքր լոգասենյակի դեպքում նպատակահարմար է կիրառել խոնավադիմացկուն կահույք։
Լոգասենյակի կախովի կահույք
Դրանք կարող են լինել պահարաններ, դարակաշարեր և այլն։ Նման կահույքի առավելությունը հեշտ կիրառելիությունն է թե՛ մեծ, թե՛ փոքր լոգասենյակներում։
Հիանալի լուծում են գետնին դրվող պահարանները, որոնք տեղադրվում են լվացարանակոնքի տակ՝ խողովակները թաքցնելու և մաքրող միջոցները պահպանելու համար։ Այսպիսի կահույքների միակ թերությունն այն է, որ ջրի հետ անընդհատ շփումից արագ փչանում են՝ ի տարբերություն ոտքերով կահույքի, որոնք ավելի երկար են ծառայում։
Լոգասենյակի կորպուսային կահույք
Կորպուսային կահույքի այս կամ այն հատվածը գնելիս նախ պետք է հաշվի առնել արդյոք դրա ներմուծումն ինտերիերում կստեղծի ներդաշնակություն։
Դիզայներական կահույքը պատրաստվում է պատվերով։ Ամեն ինչ կախված է տանտերերի ցանկությունից ու դիզայներական մոտեցումից։ Այսպիսի կահույքը հեշտորեն ներմուծվում է բնակարանի ինտերիեր՝ օգնելով խուսափել ավելորդ խնդիրներից:
Ջրակայուն նյութերից պատրաստված կահույք
Վերջին ժամանակներում պլաստիկե կահույքը ավելի պահանջված է։ Այն թեթև է, պրակտիկ ու խոնավադիմացկուն։ Պլաստմասե կահույքը գունային լայն ընտրության հնարավորություն է տալիս ու նաև մատչելի է։
Ջրակայուն է նաև քարե կահույքը, որը լինում է երկու տեսակի՝ արհեստական ու բնական քարերից պատրաստված։
Ի դեպ, ձեր լոգասենյակի կահույքի ընտրությունը կարող եք վստահել մեզ: ՎԱԿ շինանյութի խանութներում կարող եք գտնել տարբեր ինտերիերի համար նախատեսված լոգասենյակի կահույք, ինչպես նաև կատարել պատվեր մեր ՕՆԼԱՅՆ խանութից: