Արդյոք վերանորոգման ընթացքում անհրաժեշտ է աշխատել ճարտարապետի, թե դիզայների հետ: Այս հարցը անհանգստացնում է վերանորոգում սկսող բոլոր սեփականատերերին:
Հարցը դժվարանում է, եթե վստահ չեք, թե յուրաքանչյուրն ինչ է առաջարկում Ձեզ: Վերջինս կախված կլինի ձեր կողմից կատարվող վերանորոգման տեսակից, ըստ որի էլ առաջարկները կլինեն տարբեր:
Ո՞վ է ճարտարապետը և ի՞նչ ակնկալել նրանից
Ճարտարապետը լիցենզավորված մասնագետ է, որը վերապատրաստվել է ոչ միայն դիզայնի, այլ նաև ճարտարագիտության և նախագծերի կառավարման ոլորտում: Սովորաբար, ճարտարապետները կարողանում են դիզայնի եզակի գաղափարներ ներկայացնել և ունակ են աշխատել բարդ կառույցների հետ: Նման մասնագետները հաշվի են առնում բոլոր ասպեկտները և առաջարկում վերանորոգման նոր լուծումներ՝ բոլոր մեծ ու փոքր նախագծերին համապատասխան:
Ճարտարապետների հետ աշխատելը ունի ևս մեկ առավելություն. նրանք կարող են նաև ձեր շենքում կատարվող փոփոխությունների համար օրինականության թույլտվություն ստանալու հարցում օգնել ձեզ:
Երբ ձեր վերանորոգումը ներառում է տանիքի բազմաթիվ հատվածներ կամ որոշակիորեն բարդ է, դուք առավելագույն օգուտ կստանաք ճարտարապետի հետ աշխատելուց: Նրանք ի վիճակի են կյանքի կոչել ձեր պատկերացրածը:
Ճարտարապետները կաշխատեն ձեզ հետ դիզայնից սկսած մինչև վերջին դետալ՝ ձեր բնակելի տարածքը դարձնելով այն, ինչի մասին երազել եք:
Ո՞վ է դիզայները և ի՞նչ ակնկալել նրանից
Դիզայներները չունեն նույն պատրաստվածությունը, ինչ ճարտարապետները: Նրանք ավելի փորձառու են ներքին տարածքի նախագծման և պարզ լրացումներ պլանավորելու հարցում: Իհարկե, դիզայներները չունեն ճարտարապետության գծով ուսուցում, բայց կարող են օգնել վերափոխել ձեր տան տարածքը:
Դիզայների հետ աշխատելիս դուք տանը ստիպված կլինեք ներգրավել ինժեներ, եթե ինչ-որ տեսակի լրացումներ կամ կառուցվածքային փոփոխություններ եք ուզում կատարել տանը: Դիզայներների հետ կարելի է աշխատել, եթե ցանկանում եք վերափոխել խոհանոցը կամ հյուրասենյակը:
Բացի այդ, դիզայներներիի մեծ մասը կենտրոնացած է միայն դիզայնի վրա և հաճախ չի մասնակցում ընդհանուր նախագծի կառավարմանը: Սա նշանակում է, որ ձեզանից կարող է պահանջվել վարձել երկրորդ կողմի և նրանց ներգրավել ծրագրի վերահսկման մեջ:
Իսկ ու՞մ հետ աշխատել
Եթե ցանկանում եք վերափոխել մի սենյակ կամ մի բան, որը միայն ներքին դիզայն է պահանջում, ապա կարող եք մտածել ինտերիեր դիզայների հետ աշխատելու մասին:
Եթե որոշել եք ամբողջապես փոխել ձեր բնակարանը՝ հատակից մինչև տանիք, ապա աշխատեք ճարտարապետի հետ, ով ի վիճակի է հաշվի առնել ձեր նախագիծի բոլոր նրբությունները:
Իսկ եթե արդեն ընտրել եք թե ում հետ աշխատել, ապա այցելեք ՎԱԿ շինանյութի խանութ-սրահներ կամ մեր ՕՆԼԱՅՆ խանութ՝ ձեր վերանորոգման համար անհրաժեշտ ապրանքները մեկ վայրից գնելու համար: