Ինտերիեր դիզայնն ու ճարտարապետությունը միտված են ապահովել տարածության մեջ հարմարավետություն և էսթետիկ հաճելի փոխազդեցություն՝ մարդկանց և տվյալ միջավայրի միջև:


Այսօր ձեզ համար առանձնացրել ենք դիզայնի պատմության մեջ ամենահայտնի կին դիզայներների, ովքեր իրենց ուրույն դերն ունեցան դիզայնի ինդուստրիայում:

Զահա Հադիդ

Դիզայնի աշխարհը կանգ էր առել 2016-ի մարտին Զահա Հադիդի վաղաժամ մահվան լուրից:

Իրաքում ծնված բրիտանացի ճարտարապետ-դիզայները գերեց մարդկանց մտքերը իր տարածական նմուշներով, որոնք կանգուն են ամբողջ աշխարհում:
Իր ստեղծագործություններին բնորոշ են սովորական տարածության ընդարձակված շրջանակները և կորագծերը։Նշանավոր նախագծերից են՝

  • Րոզենթալի ժամանակակից արվեստի կենտրոնը Սինսինաթիում, Օհայո, ԱՄՆ
  • BMW-ի գործարանի կենտրոնական շենք, Լայփցիգ, Գերմանիա
  • Կամրջի տաղավար, Սարագոսա, Իսպանիա
  • XXI դարի արվեստի ազգային թանգարան, Հռոմ, Իտալիա
  • Galaxy SOHO, Բեյջին, Չինաստան
  • Dominion Tower բիզնես կենտրոն, Մոսկվա, Ռուսաստանի Դաշնություն

Ինդիա Մահդավի

Իդիա Մահդավին ֆրանսիացի ճարտարապետ և դիզայներ է, ում աշխատանքը բնութագրվում է մինիմալիստական ​​գույներով: Նա հայտնի է իր ինտերիեր դիզայնի և կահույքի դիզայնի աշխատանքներով:


Ինդիան առաջանորդվում է «կյանքը գույն է» խոսքով և առատորեն օգտագործում գույներ իր աշխատանքներում: Նա համագործակցել է այնպիսի համաշխարհային բրենդերի հետ, ինչպիսիք են՝ Վալենտինոն, Լուի Վիտոնը, Պիեր Ֆրեյը, Դիսնեյը և այլն:

Իլզե Քրոուֆորդ

Ինտերիերի դիզայնում աշխարհի եզակի կերպար Իլզե Քրոուֆորդն իր կարիերայի ընթացքում խաղացել է երեք հիմնական դեր` քննադատ, ստեղծագործող և ուսուցիչ: Դրանցից երեքում էլ նա գերազանց է հանդես եկել՝ դիզայնի արդյունաբերությանը փոխանցելով նոր մտքեր: Ուստի, թերագնահատել նրա ազդեցությունը դիզայնի արդյունաբերության մեջ, անհնար է:

Իլզեն իսկապես հավատում է լավ դիզայնի ուժին՝ համարելով այն մեր կյանքը բարելավելու կարևոր միջոց:

Էլզի դը Վուլֆ

Էլզի դը Վուլֆին (1859-1950) առանց պատճառի չէ, որ վերագրել են «Ինտերերի ձևավորման մայր/The mother of interior decoration» տիտղոսը:

Ոգեշնչված 18-րդ դարի ֆրանսիական էլեգանտությունից՝ դիզայները շեղվեց մութ, ծանր գեղագիտությունից՝ ընտրելով թեթև, տաք տարածքներ, որոնք հաճախ պատված էին փափուկ պաստառներով, կենդանիների տպագրությամբ և հնաոճ իրերով:

Դե ինչ, ինչպես ասում են՝ «Կին լինելը մի ամբողջ արվեստ է». պետք է հասցնել պահպանել հավասարակշռությունը՝ աշխատանքից մինչև կենցաղ:
Ի դեպ, կանանց մոտ ստացվում է դա անել, այն էլ իրենց այդքան բնորոշ հոգատարությամբ և գեղեցկությամբ: