Ցանկացած խոհանոցի անհրաժեշտ տարրերից են խոհանոցային լվացարանն ու ծորակը:
Դրանց ճիշտ ընտրությունը ամենակարևոր որոշումներից մեկն է, որը կարող եք կայացնել: Ձեր խոհանոցային լվացարանը զգալի ազդեցություն է ունենում ձեր առօրյայի վրա և անհրաժեշտ է, որ այն լինի միաժամանակ ֆունցիոնալ և ձեր ինտերիերին համապատասխան:
Ձեզ համար առանձնացրել ենք այս տարվա խոհանոցային լվացարանների մի քանի մոդելներ, որոնք առանձնանում են իրենց յուրօրինակությամբ:
Աշխատանքային հատվածով լվացարաններ
Խոհանոցային լվացարանների վերջին հետաքրքիր նորամուծություններից մեկը աշխատանքային հատվածով լվացարաններն են: Այս լվացարաններում առկա են այնպիսի ներդրվող կտորներ, ինչպիսիք են քամոցները, տախտակները, աղբամանները, չորացնող դարակաշարերը, սպունգերի դարակները և այլն:
Արդյունքում ստացվում է, որ ամեն ինչ կարելի է անել մեկ տեղում: Խոհանոցային լվացարանի այս մոդելը ստեղծված է առավելագույն հարմարավետություն ապահովելու համար:
«Գոգնոց» ոճի լվացարաններ
Lվացարանների այս տեսակը պատկանում է դասական ոճին, որոնք մեծ տարածում են ունեցել ավանդական և ժամանակակից խոհանոցներում: Լինելով շատ հարմարավետ և կոկիկ մոդելներ, ժամանակի ընթացքում այս մոդելները ձեռք են բերել գույների և պատրաստվող նյութերի բազմազանություն՝ տեղ գտնելով տարբեր ոճերի խոհանոցներում:
Եթե փնտրում եք պարզ և միաժամանակ հարմար խոհանոցային լվացարանի մոդելներ, կարող եք դիտարկել այս տարբերակը:
Ինտեգրված լվացարաններ
Ինտեգրված լվացարանները հիմնականում պատրաստվում են նյութերից, որոնք համապատասխանում են լվացարանին շրջապատող տարրերին:
Այս տեսակի մոդելները համեմատաբար նոր են և պահանջում են համապատասխան ինտերիեր: Դրանք լավ տարբերակ են այն տան տերերի համար, ովքեր սիրում են նորամուծություններ և տարբերվող ապրանքներ ունենալ իրենց ինտերիերում:
Չնայած ինտերիերին համապատասխան լինելը շատ կարևոր է, բայց խոհանոցային լվացարաններ ընտրելիս պետք է չմոռանալ դրանց հիմնական և առաջնային գործառույթի մասին: Ուստի ընտրություն կատարելիս առաջնորդվեք հարմարավետություն-որակ-ինտերիերին համապատասխան սկզբունքով:
Վերը նշված տարբերակները այս տարվա ամենակտուալ խոհանոցային լվացարանների մոդելներն են: Ո՞րն ամենից շատը հավանեցիք: 🙂