Հին սենյակին մաքուր շունչ հաղորդելու արագ և էժան միջոց է համարվում այն ներկելը: Ստորև կպարզենք այն ամենը, ինչը կարևոր է ներկերի և դրանց երանգների ընտրության համար: 🙂
Ի՞նչ տեսակի ներկ ընտրել
Տարբերակում ենք մի քանի տեսակի ներկեր, այսօր առանձնացրել ենք դրանից երկուսը՝ լատեքսային և յուղային հիմքով տարբերակները:
Լատեքսային ներկերը ամենատարածված և նախընտրելի ներկերն են: Դրանք հայտնի են իրենց մաքրման հեշտության և երկարատև ամրության համար: Այս ներկերը ավելի ուշ են խամրում և շնչող են, քան յուղային հիմքով ներկերը: Այդ պատճառով էլ, լատեքսային ներկերը հրաշալի տարբերակ են պատերը ներկելու համար:
Յուղային հիմքով ներկերը լավ տարբերակ են փայտային մակերեսների, մետաղի, բետոնի և գիպսի վրա աշխատելու համար: Այս ներկերը ավելի շատ ժամանակ են պահանջում վերջնական չորանալու համար, քան լատեքսային ներկերը, ուստի նախատեսեք ավելի երկար ժամանակ դրանց համար:
Ի՞նչ գույնի ներկ ընտրել
Եթե պատրաստվում եք վաճառել ձեր բնակարանը, ապա խորհուրդ է տրվում ընտրել սպիտակ կամ բաց գույնի երանգներ: Այս երանգները ձեր սենյակներին կհաղորդեն ավելի պայծառ ու մաքուր տեսք:
Գույնի ընտրության հարցում Ձեզ կարող է օգնության գալ «գույների անիվ»-ը: Բոլորիս հայտնի 3 հիմնական գույները (կարմիր, դեղին, կապույտ), եթե համադրենք, կստանանք երկրորդական երանգներ (մանուշակագույն, նարնջագույն):
Գույների անիվի վրա միմյանց մոտ գտնվող գույները, ինչպիսիք են կապույտը և մանուշակագույնը, միմյանց նման են և հնարավորություն կտան ևս մեկ գույն համադրել իրենց հետ: Միմյանց հակառակ գույները, ինչպիսիք են կանաչը և կարմիրը, լրացնում են մեկը մյուսին և լավ համադրություն ստեղծում:
Եթե մնանք գույնի նույն երանգներում (օրինակ` կանաչի տարբեր երագներ), դրանք սենյակին կտան նուրբ և հանգստացնող տեսք: Սառը գույներով ներկերը, ինչպիսիք են կապույտը, մանուշակագույնը, փոքր սենյակները ավելի մեծ և ընդարձակ կդարձնեն, իսկ կարմիր, դեղին և նարնջագույն գույները՝ սենյակին ավելի ջերմ ու աշխույժ տեսք կփոխանցեն:
Ի՞նչ է պետք անել մինչ ներկման գործընթացը սկսելը
- Խուսափե՛ք ներկի գույնի ընտրությունը միանագամից կատարելուց,
- Սկսե՛ք ոգեշնչումից. նայեք տարբեր սենյակներ, դրանց կահավորանքը, համապատասխան երանգները: Ընտրեք ձեզ համար ցանկալի մոդելը՝ որպես ուղեցույց,
- Փորձարկե՛ք, փորձարկե՛ք, փորձարկե՛ք. անհրաժեշտ է հասկանալ թե ինչ տեսք կունենա ներկը սենյակի տարբեր անկյուններում՝ ստվերի և լույսի փոփոխությունից: Ուստի մի՛ զլացեք այն տարբեր մասերում փորձարկելուց,
- Ստեղծե՛ք տան ընդհանուր երանգային պատկեր,
- Կատարե՛ք ներկի գույնի վերջնական ընտրություն՝ այս բոլորը հաշվի առնելուց հետո:
Ներկերի և դրանց գույնի ճիշտ ընտրությունը դիզայնի հաջողության հիմնական մասն է: Վստահե՛ք այդ կարևոր մասը մեզ՝ կատարելով ընտրություն մեր խանութ-սրահներից կամ պատվիրելով ՕՆԼԱՅՆ՝ անցելով հետևյալ հղումով 👉https://bit.ly/3e932zf