Լամինատե հատակները դիմացկուն են և համեմատաբար մատչելի, ու որպեսզի դրանք պահպանեն իրենց լավագույն տեսքը, պահանջում են որոշակի խնամք:
Եկեք միասին հասկանանք թե ինչպե՞ս և ո՞ր միջոցներով խնամել լամինատե հատակը:
Չոր շվաբր
Դուք կպահպանեք քերծվածքներից և մակերեսային վնասներից ձեր լամինատե հատակը, եթե ամենօրյա հատակ մաքրելը իրականացնենք չոր շվաբրով:
Չոր շվաբրի համար ընտրեք միկրոֆիբրե լայն գլխիկ, որը հեշտությամբ հատակից կհավաքի առօրյա կեղտը: Միկրոֆիբրեի գխիկները բազմակի օգտագործման են, և դրանք կարելի է անընդհատ լվանալ և կիրառել ամենօրյա մաքրման աշխատանքներում:
Փոշեկուլ
Դժվար հասանելի հատվածների կամ ամենօրյա արագ մաքրման համար օգտագործեք փոշեկուլ, որը հեշտությամբ և արագ կհավաքի փոշին հատակի մակերեսից, սենյակի անկյուններից և կահույքի տակից:
Վակումային շատ ապրանքատեսակներ ունեն հատուկ կցորդներ, որոնք նախատեսված են միայն լամինացված հատակի կոշտ մակերեսները մաքրելու համար:
Ռոբոտային փոշեկուլները նույնպես հարմար են լամինացված մակերեսների համար և օգտագործման առանձնահատուկ ջանք չեն պահանջում:
Ի՞նչից խուսափել լամինատե հատակը մաքրելիս
-Մի՛ օգտագործեք գոլորշիով աշխատող մաքրող միջոցներ: Ջերմությունն ու խոնավությունը կանդրադառնան սոսնձված շերտերի վրա և ժամանակի ընթացքում կվնասեն դրանք:
-Մի թրջեք հատակը ջրով օգտագործվող շվաբրով. դրանք թողնում են հետքեր, որոնք կարող են նպաստել մակերեսային մաշվածությանը: Լավագույն տարբերակը փափուկ միկրոֆիբրե չոր շվաբրներն են:
-Մի՛ օգտագործեք փայտի մաքրող միջոցներ. այն մակերեսին կթողնի մնացորդներ:
-Խուսափե՛ք հղկող-մաքրող սարքերից, ինչպես նաև քերծվածքային սպունգերրից և սպասք լվանալու մետաղական սիմերից: Նույնիսկ խմորի սոդան, երբ այն կիրառվում է հաճախ, կարող է վնասել լամինացված հատակները:
-Քչացրե՛ք սոդայի և քացախի կիրառումը լամինատի մակերեսը մաքրելիս, քանի որ դրանց ինտենսիվ օգտագործումը նույնպես կարող է վնասել լամինատե հատակը: