Երբ գալիս է լամինատե հատակ ընտրելու պահը, մեզ սկսում են հուզել մի շարք հարցեր: Ի՞նչ ոճ ընտրել, ո՞ր գույնն ավելի գեղեցիկ տեսք կհաղորդի սենյակին, արդյո՞ք անհրաժեշտ է լամինատի տակդիր, թե ոչ:
Ի՞նչ է իրենից ներկայացնում լամինատե հատակը
Լամինատը համարվում է հատակի ամենատարածված ծածկույթներից մեկը: Այն սենյակներին հաղորդում է կոկիկ ու նրբաճաշակ տեսք։
Լամինատը բաղկացած է մի քանի շերտից՝
Կայունացնող շերտը նպաստում է լամինատի ամրությանը, այն դարձնում է մաշվածակայուն ու պաշտպանում դեֆորմացիայից։
Հիմնական շերտով է պայմանավորված լամինատի որակը։ Այս փայտային խտանյութը նպաստում է լամինատի երկարակեցությանը։
Դեկորատիվ շերտն ապահովում է արտաքին տեսքը։ Շնորհիվ նախշերի բազմազանության՝ կարելի է ընտրություն կատարել ցանկացած տարածքի համար։
Պաշտպանիչ շերտի շնորհիվ լամինատը պաշտպանվում է քերծվածքներից ու վնասվածքներից։ Որքան հաստ է, այնքան լամինատի կարգը բարձր է, հետևաբար մաշվածակայուն ու երկարադիմացկուն է։
Ընտրում ենք լամինատ
Լամինատե հատակ ընտրելիս պետք է հաշվի առնել մի շարք առանձնահատկություններ. դրանք են՝
- լամինատի կարգը
- տախտակի հաստությունն ու որակը: Այն ապահվում է հատակի ձայնամեկուսացումը, մակերևույթի հարթեցումը, ջրամեկուսացումը
- մաշվածակայունության աստիճանը
- ջրակայունությունը
Բացի տեխնիկական նկարագրերից լամինատե հատակ ընտրելիս պետք է ուշադրություն դարձնել նաև ինտերիերին: Լամինատե հատակը պիտի լրացնի Ձեր ինտերիերը և լինի համահունչ տվյալ սենյակի ոճին և դիզային:
Եթե արդեն կատարել եք ընտրություն, ապա անհրաժեշտ է մտածել այն ճիշտ տեղադրելու մասին: Այդ մասին մանրամասն կարող եք ծանոթանալ «Ինչպես տեղադրել լամինատը» հոդվածում:
Ի դեպ, եթե լամինատե հատակի ընտրությունը կատարեք հենց ՎԱԿ շինանյութի խանութներից, կարող եք մոռանալ տեղադրման մասին. այն կիրականացնենք մենք:😊