Ի՞նչը կարող է ավելի հանգստացնող լինել, քան գեղեցիկ ու հարմարավետ լոգնոցում լոգանք ընդունելը: Արտասովոր և հետաքրքիր դիզայնով լոգնոցը կարող է կրկնապատկել լոգանք ընդունելու հաճելի գործընթացը:
Այսօր առանձնացրել ենք մի քանի ոչ սովորական դիզայնով լոգնոցներ՝ ստեղծված ժամանակակից դիզայներների կողմից:

1.Փայտյա լոգնոց

Այս յուրահատուկ դիզայնով փայտյա լոգնոցը անկասկած յուրաքանչյուր լոգասենյակ կվերածի առողջության կղզու:Սպիտակ խճաքարերը էլ ավելի առանձնահատուկ տեսք են հաղորդում լոգնոցին:

2.Բյուրեղյա լոգնոց

Թվային տեխնոլոգիաների դարաշրջանում հատկապես զարմացնում են նմանօրինակ լոգնոցները, ինչպիսիք են քարի ամբողջական կտորի մեջ փորվածները: Այս եղանակով է պատրաստված աշխարհի ամենաթանկ լոգնոցներից մեկը: Այն պատրաստված է Ամազոնիայում գտնված լեռնային բյուրեղի հսկայական կտորից:

3.Le Cob դիզայն

Այս լոգնոցը վստահաբար տեղ կգնտնի յուրաքանչյուր ժամանակակից լոգասենյակում: Լոգնոցն ունի այնպիսի դիզայն, որը քեզ մտովի կտեղափոխի գետի ափ. հոսող ջուր, սև խճաքար և հոսող ջրի հանգստացնող ձայն:

4.Անձրևի ցնցուղ

Եթե դուք անհագ ցանկություն ունեք ձեր լոգասենյակին եզակի տեսք փոխանցելու համար, ինչու չեք ստեղծում անձրևի էֆեկտ ունեցող լոգասենյակ:
Այս դիզայնով լոգասենյակը կդառնա այն վայրը, որտեղ կարող եք արագ լիցքաթափվել գրասենյակում ունեցած ծանր աշխատանքային օրվանից հետո կամ ուղղակի վայելել կատարյալ հանգիստը:

5.Մարգարտյա լոգնոց

Լոգնոցի այս մոդելի յուրահատուկ ձևն ու առանձնահատկությունները փոխանցում են լոգասենյակին յուրօրինակ տեսք:
Բացի արտաքին գեղեցկությունից այն նաև շատ հարմարավետ է. թույլ է տալիս մոռանալ սթրեսային առօրյան՝ համատեղելով ճիշտ լուսավորությունը, երաժշտությւոնը և արոմաթերապիան:

Այս յուրահատուկ դիզայնով մոդելներից, ո՞րը կուզեինայիք ունենալ Ձեր լոգասենյակում:😊